काठमाडौँ – सुदूरपश्चिम प्रदेशको कैलाली, डोटी, अछाम, बाजुरा, बझाङ हुँदै उरै भञ्ज्याङसम्म पुग्ने सेती लोकमार्गको भोकाधिकार र रुख कटानको आदेश दिने सहमती जुटेको छ ।
वन तथा वातावरणमन्त्री ऐनबहादुर शाही ठकुरी, डोटीबाट निर्वाचित प्रतिनिधिसभा सदस्य एवं पूर्वमन्त्री प्रेमबहादुर आले तथा वन मन्त्रालयका सचिव डा. दीपक खराल लगायतका अधिकारीहरूबीच मन्त्रालयमा भएको छलफलमा भोकाधिकार र रुख कटानको आदेश दिने सहमती भएको हो ।
मन्त्री शाही ठकुरी, पूर्वमन्त्री आले र सचिव डा. खरालबीच छलफलपछि सेती लोकमार्ग निर्माणका लागि आवश्यक पर्ने भोकाधिकार र रुख कटानको आदेश दिने सहमती भएको वन तथा वातावरणमन्त्री शाही ठकुरीको सचिवालयले जनाएको छ ।
यही चैत ३ गते प्रतिनिधिसभाको विशेष समयमा बोल्दै पूर्वमन्त्री आलेले वन तथा वातावरण मन्त्रालयले भोकाधिकार र रुख कटान आदेश नदिँदा सेती लोकमार्गको काम ठप्प भएको आरोप लगाउनु भएको थियो । सोही कारण मंगलबारको छलफल महत्वपूर्ण मानिएको बताइएको छ ।
वन तथा वातावरण मन्त्रालयले भोकाधिकार र रुख कटान आदेश नदिँदा सेती लोकमार्गको काम ठप्प भएको पूर्वमन्त्री आलेका स्वकीय सचिव हेमन्त रेग्मीले बताए । उनले भने, “भोकाधिकार र रुख कटान आदेश नदिँदा उक्त लोकमार्गको काम ठप्प भएको थियो । आजको छलफलपछि सो आदेश दिने सहमती जुटेपछि अब उक्त सडक निर्माणको काम सुचारु हुनेछ ।”
सेती लोकमार्गको भोकाधिकार र रुख कटान आदेश दिने सहमती भएसँगै सुदूरपश्चिम प्रदेशका कैलाली, डोटी, अछाम, बाजुरा, बझाङ जिल्लाका जनतामा खुशीयाली छाएको छ । स्थानीयवासीले सडक निर्माण कार्य अगाडि बढ्ने कुराले यातायात तथा आर्थिक विकासमा टेवा पुग्ने आशा समेत व्यक्त गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751879619.webp)
-1749826086.png)
