अमेरिकाले दक्षिण अफ्रिकाका राजदूत रसूललाई देशबाट निकाल्यो

विश्व

नेपाल लाइभ शनिबार, चैत २, २०८१ १५:१४

काठमाडौँ–अमेरिकाले दक्षिण अफ्रिकाका राजदूत इब्राहिम रसूललाई आफ्नो देशबाट निष्कासन गरेको छ। अमेरिकी विदेशमन्त्री मार्को रुबियोले रसूललाई देश निकाला गरेको जानकारी गराएका छन्।

उनले एक्स (ट्विटर)मा लेख्दै भनेका छन्– ‘हाम्रो महान देश संयुक्त राज्य अमेरिकामा अब दक्षिण अफ्रिकी राजदूतलाई स्वागत छैन।’

राजदूत रसूलले अमेरिका र ट्रम्पलाई ‘घृणा’ गरेको आरोप विदेशमन्त्री रुबियोको छ। ‘इब्राहिम रसूल एक जातिवादी राजनीतिज्ञ हुन् जसले अमेरिका र अमेरिकी राष्ट्रपतिलाई घृणा गर्छन्। हामीलाई उहाँसँग कुनै कुरा गर्नु छैन’, उनले भनेका छन्।

दोस्रो पटक अमेरिकाको राष्ट्रपतिमा डोनाल्ड ट्रम्प निर्वाचित भएपछि उनी दक्षिण अफ्रिकाप्रति कठोर बन्दै गएका छन्। त्यसको पछिल्लो कदम राजदूत रसूललाई निकाल्नु हो।

बिबिसीकाअनुसार फेब्रुअरीको सुरुमा ट्रम्पले दक्षिण अफ्रिकालाई दिइँदै आएको अमेरिकी सहयोग रोकेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वंशको आधारमा लुट्नेहरूको हातमा देश बर्बाद हुन्छ : अध्यक्ष नेपाल

दरबार हत्याकाण्डको छानबिनको माग मैले पहिलेदेखि नै उठाएको हुँ : प्रचण्ड

कम्युनिष्ट आन्दोलनलाई २००६ सालको जस्तै एकीकृत बनाउँदैछौँ : विप्लव