एजेन्सी– पाकिस्तानको बलुचिस्तान प्रान्तमा बलुच लिबरेशन आर्मी (बीएलए)ले जाफर एक्सप्रेस ट्रेन अपहरण गरेको छ । जसमा भएको आक्रमणमा कम्तिमा ३० पाकिस्तानी सैनिक मारिएका छन् भने २१४ यात्रुलाई बन्धक बनाइएको छ ।
घटनापछि पाकिस्तानी सुरक्षाबलले बलुचिस्तानको बोलान जिल्लामा क्लियरेन्स अपरेशन शुरू गरेको छ, जसमा १६ आक्रमणकारीहरू मारिएका छन् र १०४ जना सर्वसाधारणलाई उद्धार गरिएको पाकिस्तानी सञ्चार माध्यमहरूले जनाएका छन् ।
जाफर एक्सप्रेसको ट्रेन क्वेटाबाट खैबर पख्तुनख्वाको पेशावर जाँदै थियो । जसमा ४०० भन्दा बढी यात्रुहरू थिए । बलुच लडाकुहरूले पहाडी भूभागको फाइदा उठाउँदै बोलान जिल्लाको मश्काफ सुरुङ नजिक रेलवे ट्र्याकमा विस्फोट गराएका थिए । विस्फोटका कारण ट्रेन पटरीबाट खसेको थियो । त्यसपछि गोलीबारी गर्दै उनीहरूले ट्रेन कब्जा गरेका थिए । बन्धक बनाइएकामध्ये ५८ पुरुष, ३१ महिला र १५ बालबालिका छन् ।
पाकिस्तानी सुरक्षाबलले तत्काल अपरेशन शुरू गरे पनि कठिन भूभागका कारण अपरेशन जटिल बनेको समाचारमा उल्लेख छ । बीएलएले विज्ञप्ति जारी गर्दै बन्धकहरूलाई युद्धबन्दी घोषणा गरेको छ । संगठनले आफ्ना लडाकुहरूलाई मुक्त गर्न ४८ घण्टाको अल्टिमेटम दिएको छ । यदि पाकिस्तानी सेनाले कारबाही जारी राखेमा सबै बन्धकहरूलाई मार्ने चेतावनी दिएको छ ।
स्थानीय समयअनुसार बिहान ९ बजे क्वेट्टाबाट प्रस्थान गरेको उक्त रेलमा नौ वटा डिब्बामा करिब ४५० यात्रुहरू सवार थिए । दक्षिण(पश्चिम पाकिस्तानमा बढ्दो हिंसाको कारकका रुपमा बीएलए पृथकतावादी समूह रहेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766294823.png)
-1764146706.png)
-1763721444.png)
