अमेरिका बाहिरिने भएपछि डब्लुएचओले ल्यायो कर्मचारीका लागि स्वेच्छिक अवकाश प्याकेज

समाचार

नेपाल लाइभ आइतबार, फागुन २५, २०८१ ११:३९

काठमाडौं – विश्व स्वास्थ्य संगठन (डब्लुएचओ)ले खर्च नियन्त्रणका लागि स्वेच्छिक अवकाशको प्रस्ताव अघि सारेको छ । किनिकि डब्लुएचओको सबैभन्दा ठूलो सहयोगी संयुक्त राज्य अमेरिका बाहिरिने तयारीमा छ ।

डब्लुएचओले शुक्रबार इमेलमार्फत् जारी गरेको विज्ञप्तिमा भनिएको छ, ‘स्वेच्छिक अवकाश प्याकेज सबै कार्यस्थलका कर्मचारीहरूलाई प्रस्ताव गरिएको छ । यो योजना ५५ वर्ष भन्दा माथिका कर्मचारीहरूका लागि लक्षित गरिएको छ र स्वीकार गर्नेहरूले जुलाई १५ भित्र संस्थाबाट बाहिरिनु पर्नेछ।’

सामान्यतः डब्लुएचओले आफ्नो वार्षिक कुल बजेटको करिब पाँच भागमा एक भाग अमेरिकाबाट प्राप्त गर्ने गरेको थियो । तर राष्ट्रपति डोनाल्ड ट्रम्पले अमेरिकालाई डब्लुएचओबाट निकाल्ने घोषणा गरेपछि डब्लुएचओलाई खर्च कटौतीका उपाय सोच्न बाध्य पारिएको हो ।

अमेरिकाले डब्लुएचओको एचआईभी र अन्य यौनरोग सम्बन्धी कार्यक्रमहरूको लागि ७५ प्रतिशत सहयोग प्रदान गरिरहेको थियो र २०२४/०२५ को बजेट अवधिमा क्षयरोग विरुद्धको अभियानको लागि आधाभन्दा बढी हिस्सा रकम अमेरिकाले उपलब्ध गराएको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई प्रधानमन्त्री ओलीको प्रश्न: देश बचाउने भन्नुहुन्छ, देश के भएको छ र?

थाइल्याण्डबाट २० जना नेपालीको उद्धार

बालसेना सम्बन्धी विवाद सर्वोच्चको पूर्ण इजलासमा