काठमाडौं –इजराइल र प्यालेस्टाइन समूह हमासबीच पहिलो चरणको युद्धविरामको समया वधि आजबाट सकिँदैछ । तीन चरणमा हुने भनिएको युद्धविरामको पहिलो चरणको शनिबार अन्तिम दिन हो ।
पहिलो चरणमा हमासले छाड्ने सम्झौता भएको ३३ बन्धकमध्ये अन्तिम दिन तीन जना छाड्न बाँकी छ । हमासले ८ जनाको शव पनि इजराइललाई दिएको छ । माघ ५ गते गजामा युद्धविराम घोषणा भएको थियो ।
यसबीच इजराइलले झन्डै १७ सय प्यालेस्टिनी कैदी रिहा गरेको छ । सम्झौता अनुसार इजराइलले ४२ दिनको युद्धविराम अवधिमा २ हजार कैदीलाई जेलमुक्त गर्ने भनिएको छ । पहिलो चरणको युद्धविरामकै क्रममा दोस्रो चरणको युद्धविरामका लागि छलफल अगाडि बढाउने भनिएको थियो । पहिलो चरणको युद्धविरामको ४२ दिनमा गजापट्टीमा १० लाख मानिसहरू फर्केर बसोबास गर्न थालिसकेको राष्ट्रसंघले जनाएको छ ।
तर गाजामा दोस्रो चरणको युद्धविराम पहलमा अहिलेसम्म ब्रेकथ्रु नभएको कतारी मिडिया अलजजिराले जनाएको छ । हमासका प्रवक्ता हजिम क्वासेमले अल अरबी टेलिभिजनसँगको कुराकानीमा दोस्रो चरणको युद्धविरामका लागि कुराकानी अगाडि नबढेको बताएका छन् । संयुक्त राष्ट्रसंघका महासचिव एन्टोनियो गुटरेसले गजामा युद्धविराम कायम राख्नुपर्नेमा जोड दिएका छन् ।
पहिलो चरणको युद्धविराम आजबाट सकिदा हमासको कब्जामा रहेका नेपाली युवक विपिन जोशीबारे नेपाल सरकार बेखबर छन् । शुक्रबार मात्रै परराष्ट्रमन्त्री आरजु राणा देउवाले विपिन जोशीबारे एकिन जानकारी नआएको बताएकी थिइन् । तर पनि उनले सरकारले उनलाई उद्दारको लागि पहल जारी राख्ने बताएकी थिइन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
