नाजिरको ‘गुन्यो चोलो’को पनि रिलिज भयो स्थगित

समाचार

नेपाल लाइभ आइतबार, असोज १३, २०८१ १८:२०

काठमाडौं– हतारमा सिनेमा रिलिजको घोषणा गर्ने अनि फेरि स्थगित गर्ने सिलसिलामा अर्को एक सिनेमा थपिएको छ।

नीता ढुङ्गानाको ‘हस्व दीर्घ’ तथा ‘रावायण’ फ्लप बनेपछि रिलिज स्थगित भएको दीवाकर भट्टराई निर्देशित ‘मायाबी’ पछि नाजिर हुसैनको ‘गुन्यो चोलो’ले पनि आफ्नो रिलिज मिति स्थगित गरेको हो।

सिनेमा कार्तिक ९ गते रिलिज गर्ने घोषणा गरिएको थियो। सिनेमाकी निर्देशक समुन्द्र भट्टले फेसबुकमा एक स्टाटस लेख्दै सिनेमाको रिलिज स्थगित भएको जानकारी दिएकी हुन्। पोस्टमा उनले केही विषय कारणले तत्काललाई रिलिज स्थगित गर्नुपरेको जनाएकी छन् । उनले चाँडै एउटा ठूलो खबरसहित नयाँ प्रदर्शन मिति घोषणा गरिने जानकारी आफ्नो सो पोस्टमा दिएकी छन्।

सिनेमामा नाजिर ‘ट्रान्सवुमन’को भूमिका देखिदैंछन्। उनले सिनेमाको चरित्रका लागि १५ केजी तौल घटाएका थिए ।

सिनेमामा नाजिरसहित सञ्चिता लुईंटेल, विशाल पहारी, सुशील सिटौला, अनुपम श्रेष्ठ, निशा बजगाईं आदिको अभिनय छ । निर्देशक भट्ट र अभिनेता हुसेनको पटकथा एवं संवाद लेखन रहेको सिनेमाको पोस्ट प्रोडक्सनको काम विदेशमा गरिएको छ ।

आकाश बुढाथोकी र भि. भन्से जानुबोन निर्माता तथा जेफ्री जे वेन र स्टिभ जोन्स्टन यो सिनेमाका कार्यकारी निर्मातामा हुन् ।

यस्तै हलिउडकी लिजा जेरार्डले स्वर दिएकी छिन् भने ‘ब्याकग्राउन्ड म्यूजिक’को काम हलिउड सिनेमाका ‘ट्रयाक’ उत्पादक मार्सेलो दि फ्रान्सिसीले गरेका छन् । अलोक शुक्ला सिनेमाका छायाँकार हुन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारतमा दश जना मावोवादी विद्रोहीको मृत्यु

लाओसमा विषाक्त रक्सी पिउँदा मर्ने पर्यटकको सङ्ख्या ६ पुग्यो

रवि लक्षित प्रधानमन्त्रीको टिप्पणी– आफै सहकारी ठगी गर्ने, अरूलाई मुख छाड्ने?