‘पूर्ण बहादुरको सारङ्गी’को फस्ट लुकमा किन उफ्रिए प्रकाश?, लक्ष्मीपूजामा हुँदैछ रिलिज

समाचार

नेपाल लाइभ शुक्रबार, भदौ १४, २०८१ १२:३४

काठमाडौं– ‘पूर्ण बहादुरको सारङ्गी’ले फस्ट लुक पोस्टरसँगै रिलिजमिति समेत घोषणा गरेको छ। सिनेमाको फर्स्ट लुक पोस्टरमा सिनेमाका मुख्य पात्र विजय बराल र प्रकाश सपूतलाई स्थान दिइएको छ।

झुस्स दारी जुंगामा खुसी देखिएका विजयको क्लोजअपमा साइड प्रोफाइल देखाइएको छ भने अभिनेता प्रकाश सपूत सरकारी स्कुलको ड्रेसमा हातमा मार्कसिट बोकेर उफ्रिँदै कुदिरहेको देख्न सकिन्छ।

सरोज पौडेल निर्देशित सिनेमामा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिास बास्तोला, श्याम केसी, जानवी पौडेललगायतको अभिनय छ। सिनेमाको लेखन पनि निर्देशक पौडेलले नै गरेका हुन्।

सेभेन सिज सिनेमा र बाँसुरी फिल्मस्सँगको प्रस्तुति रहेको सिनेमाका निर्माता विनोद पौडेल र प्रतीक सुवेदी हुन्। यो सिनेमालाई अन्तर्राष्ट्रिय रूपमा सिनेमा वितरण गर्दै आएको कम्पनी सेभेन सिज इन्टरटेनमेन्टले निर्माण गरेको हो।

सोसल–ड्रामा जनरा निर्माण भएको सिनेमाले नेमा गन्धर्व परिवारको कथामा आधारित रहेको छ। सिनेमाको पटकथा तथा संवाद महेश दवाडीले लेखेका हुन्। विनोद पौडेल र प्याट्रिक सुवेदी लगानी रहेको सिनेमाका कार्यकारी निर्माता रमेश चौलागाईं, हरि श्रेष्ठ र रमेश ढकाल हुन्।

शिवराम श्रेष्ठ छायाँकार रहेको सिनेमामा प्रशान्त सिवाकोटीको संगीत, हेमन्त कान्छा रसाइलीको सारङ्गी, प्रशान्त सिवाकोटी, मेलिना राई र पुष्पन प्रधानको स्वर रहेको छ।

यस्तै, सिनेमामा सुरेन्द्र पौडेलको सम्पादन, सुप्रीम पराजुलीको कलर, उत्तम न्यौपानेको साउण्ड मिक्सीङ, दिनेश बहादुर रावतको सह निर्देशन, रोहित शाक्यको ब्याकग्राउण्ड स्कोर, विजय वस्यालको पोस्टर डिजाइन छ।

कात्तिक १५ गते (लक्ष्मीपूजा)बाट प्रदर्शन हुने यो सिनेमालाई सेभेन सिज इन्टरटेनमेन्टले नै विश्वभर प्रदर्शन वितरण तथा प्रदर्शन गर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

घर मर्मत सम्बन्धी सबै काम मोबाइल एप बाटै

रवि लामिछाने आज काठमाडौं प्रहरीको हिरासतमा रहने, भोलिदेखि बयान

प्रधानमन्त्रीसँग ८७ जनाको जम्बो टोली चीन जाने, ३९ सरकारी र ४८ नीजि क्षेत्रका