‘सानो संसार’को गीत ‘मग मग फूलबारी’ सार्वजनिक

संगीत

नेपाल लाइभ मंगलबार, भदौ ११, २०८१ १२:२४

काठमाडौँ- ‘सानो संसार’को गीत ‘मग मग फूलबारी’ सार्वजनिक गएको छ। सोमबार राजधानीमा आयोजित एक कार्यक्रमका बीच सिनेमाको गीत सर्वाजनिक गरिएको हो। गीत राजनराज सिवाकोटीको शब्द तथा संगीतमा तयार भएको हो।

गीतमा मेलिना राई र संगीतकार सिवाकोटीको युगल स्वर छ। विवाहको परिदृश्यमा तयार पारिएको सिनेमाको सार्वजनिक गीतमा सिनेमाका प्रायः सवै मुख्य कलाकारहरु फिचर्ड छन्।

भिडियोमा सुजैन खड्का र मनोज खड्काको संयुक्त कोरियोग्राफी रहेको छ। गीतलाई शरद महतोले खिचेका हुन्।

पारिवारिक कथावस्तुमा निर्माण भएको सिनेमामा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भूमिका रहेको छ।

सिनेमामा सीताका अलवा राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ। यी सबै कलाकारले नेपाली रजतपटमा डेव्यु गर्दैछन्।

राजधानी मिडिया एड प्रोडक्सन र प्रिन्सेस मुभिजको व्यानरमा सिनेमा निर्माण भएको छ। अर्जुन कुमार निर्माता रहेको सिनेमाका कार्यकारी निर्माता माधव वाग्ले हुन्। राजधानी मिडिया र प्रिन्सेस मुभिजले सिनेमालाई संयुक्त रुपमा प्रदर्शन गर्नेछन्।

सिद्धार्थ पुडासैनी सिनेमाका निर्देशक हुन्। यही सिनेमाबाट उनले लेखन तथा निर्देशनमा डेव्यु गर्दैछन्। उनलाई सिनेमाको कथा लेखनमा सरिष्मा खत्रीले सघाएकी छन्। प्रवीन खड्काको छायांकन र रोमी तन्डुकारको सम्पादन रहेको सिनेमाको डिजिटल पाटर्नर म्युजिक नेपाल र क्रिएटिभ पाटर्नर टुनामुना कन्सेप्ट हो। नेमा असोज ११ गते रिलिज हुँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएलमा हानिने प्रत्येक चौकामा एनसेल फाउन्डेसनले विद्यार्थीलाई चार शैक्षिक सामग्री दिने

परराष्ट्रमन्त्री डा. राणा चीनको छेङ्दुमा

घर मर्मत सम्बन्धी सबै काम मोबाइल एप बाटै