माले (माल्दिभ्स)– पछिल्लो समय नेपालीहरूको बाक्लो उपस्थिति हुँदै गइरहेको माल्दिभ्सको राजधानी मालेमा चेलिबेटीहरूको ठूलो पर्व तीजको उपलक्ष्यमा सांगेतिक कार्यक्रम हुने भएको छ।
बाँके–बर्दिया राइजिङ स्टारको आयोजनामा नेपालका करिब एक दर्जन चर्चित लोक गायक तथा गायिकाको उपस्थितिमा तीज विशेष कार्यक्रम हुन लागेको आयोजक समितिका प्रमुख सन्तोष मगरले जानकारी दिए।
नेपालबाट कमल विसी ‘माल्दाइ’ र विन्दु परियारको विशेष उपस्थिति रहनेछ। अन्य कलाकारहरूमा ज्योति राना बासेल, सम्झना तामाङ, विष्णु परियार, अनिता परियार, कविता राई, चन्द्रा सुनुवार, लक्ष्मी तामाङ, सिम्पल मगर, सुस्मिता राना, प्रशान्त थापा, कल्पना प्रधान पनि पनि गरिमामय उपस्थिति रहेको आयोजक समितिका अर्का सदस्य निश्चल पाण्डेले जानकारी गराए।
६ सेप्टेम्बरमा मालेको अहमदिया इन्टरनेसनल स्कुलमा दिउँसो ३ बजे आयोजना हुने यस कार्यक्रमलाई इन्द्र सापकोटा र बबिता राईले सञ्चालन गर्दैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
