यस्तो बन्यो ‘देव वाणी’ को पहिलो गीत ‘तिमीलाई सधैंभरि’

संगीत

नेपाल लाइभ सोमबार, भदौ ३, २०८१ १३:१७

काठमाडौँ- बाबु साहेब बलामी निर्देशित सिनेमा ‘देव वाणी’ को पहिलो गीत ‘तिमीलाई सधैंभरि’ सार्वजनिक भएको छ। राजधानीमा आइतबार एक कार्यक्रम गर्दै सिनेमाको गीत सार्वजनिक गरिएको हो।

मंसिर ७ गते रिलिज हुने सिनेमाको सार्वजनिक गीतमा प्रताप दास र सुनिता कार्कीको स्वर, भोला पौडेलको शब्द, मनोहर सुनाम र सन्तोष प्रगाढको संगीत छ।

भारतमा खिचिएको गीतमा सिनेमाका नायक कुन्दन भारद्वाज र नायिका अनुजा लेप्चालाई रोमान्टिक भावमा देखाइएको छ। गीतमा तेन्जु योञ्जनको कोरियोग्राफी रहेको छ।

मौसम सिनेमास् प्रोडक्सन हाउस र अनुजा इन्टरटेनमेन्टको व्यानरमा निर्माण भएको सिनेमामा कुन्दन र अनुजाका अलावा सुनिल थापा, ध्रुव कोइराला, नन्दु श्रीवास्तव, अमिता श्राप, मौसम पौडेल, देव सिंह, प्रदीप ढकाल, लक्ष्मीनाथ तिमल्सिना र मौसम पौडेलको अभिनय छ

सिमरा, वीरगन्ज, इटहरी र काठमाडौंमा छायांकन भएको सिनेमामा निराजन मेहता मन्जिलको पटकथा तथा संवाद, हरिबहादुर घलेको छायांकन, श्री श्रेष्ठ र देव महर्जनको द्वन्द्व, रामजी लामिछाने र तेन्जु योञ्जनको कोरियोग्राफी, मनोहर सुनाम र सन्तोष प्रगाढको संगीत, बन्दे प्रसादको सम्पादन, प्रविण ढकालका कलर, सत्यम रानाको भीएफएक्स, बन्दे प्रसादको टिजर र ट्रेलर, प्रमोद परियारको ब्याकग्राउण्ड स्कोर, रञ्जित मण्डलको साउण्ड डिजाइन्, तर्कराज न्यौपानेको मुख्य सहायक निर्देशन छ।

मीना खड्का र हिराबहादुर लेप्चा सिनेमाका निर्माता हुन्। यस्तै कार्यकारी निर्मातामा मनकुमार लेप्चा र रमेश ढुंगेल ‘झापाली’ रहेका छन् । सिनेमा नेपाली र हिन्दी भाषामा निर्माण भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल खेल्न काठमाडौं आइपुगे शिखर धवन

यू–१९ एसिया कप: श्रीलंकासँग नेपाल ५५ रनले पराजित

मतगणनाको अद्यावधिक परिणाम आयोगको बेवसाइटमा हेर्न सकिने