‘सतीदेवी’को नयाँ गीतमा हेर्नुस् मलिकाको रोमान्स

संगीत

नेपाल लाइभ बिहीबार, साउन ३१, २०८१ २२:११

काठमाडौं- मलिका महत अभिनित ‘सतीदेवी’ले नयाँ गीत सार्वजनिक गरेको छ । सिनेमाले बिहीबार ‘माया बसेको रैछ’ बोलको रोमान्टिक गीत सार्वजनिक गरेको हो।

सार्वजनिक गीतको भिडियोमा मलिकालाई अभिनेता सन्दीपबाबु लोहनीसँग प्रेमिल भावमा देख्न सकिन्छ। संगीतकार दीपक शर्माको संगीत रहेको गीतमा प्रताप दास र दीपा लामाको युगल स्वर रहेको छ।

गीतको शब्द सिनेमाका निर्देशक लक्ष्मण सुवेदीले लेखेका हुन्। यस्तै रामजी लामिछानेको कोरियोग्राफी गीतमा देख्न सकिन्छ।
सिनेमाको यसअघि सार्वजनिक पोस्टर, गीत, टिजर तथा ट्रेलरले दर्शकमाझ राम्रो हाइप निर्माण गरेका छन्।

छोरा हुनै पर्ने पितृसत्तात्मक समाजको सोचमाथि सिनेमाले प्रश्न गर्छ। केही सिनेमा मोहत्सवमा उत्कृष्ट सिनेमा घोषित सिनेमा भदौ ७ गते रिलिज हुँदैछ।

सिनेमामा मलिका र सन्दीपका अलावा रमेश बुढाथोकी, भोलाराज सापकोटा, कुलदीप अधिकारी, सृजना अधिकारी, मनिषा सापकोटा, सुजिता सिवाकोटी, तुलसी श्रेष्ठको पनि अभिनय छ ।

निर्देशक सुवेदी स्वयंको लेखन रहेको सिनेमाको निर्माता श्रीदेवी, दिलासा र सारा सुवेदी हुन्।

दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको संयुक्त प्रस्तुति रहेको सिनेमामा बाबु श्रेष्ठले छायांकन, दीपक शर्मा र सुवास भुसालको संगीत छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल खेल्न काठमाडौं आइपुगे शिखर धवन

यू–१९ एसिया कप: श्रीलंकासँग नेपाल ५५ रनले पराजित

मतगणनाको अद्यावधिक परिणाम आयोगको बेवसाइटमा हेर्न सकिने