‘देवी’को टिजर सार्वजनिक

समाचार

नेपाल लाइभ आइतबार, साउन २०, २०८१ १४:२२

काठमाडौं– ‘देवी’को टिजर सार्वजनिक भएको छ। सिनेमाको सार्वजनिक १ मिनेट ३० सेकेण्ड लामो टिजरले बलात्कार जस्तो जघन्य अपराध घटनामा हुने शक्तिको चलखेलले कानुन र सोको अनुसन्धानमा पार्ने विविध प्रभावको कुरालाई उठाउने काम गरेको छ।

सिनेमाको सार्वजनिक टिजरमा समावेश एक संवादले सिनेमा केही वर्ष अघि सुदुरपश्चिममा घटेको नाबालिक १३ बर्षिय निर्मला पन्तको बलात्कारपछि हत्यामा आधारित रहेको संकेत गर्दछ।

क्राइम थ्रिलर जनरामा निर्माण भएको सिनेमामा नाजिर हुसौन, गौरव पहारी तथा शिल्पा मास्केको प्रमुख भूमिका रहेको छ। सञ्जोग राई सिनेमाका निर्देशक हुन् भने कथा लेखनमा राईले अजय गौतमसँग सहकार्य गरेका छन्।

एक्जिबिट स्टुडियोको प्रस्तुतिमा रहेको सिनेमाका लागि निर्माण टिमले बाँसुरी फिल्म्ससँगको सहकार्य गरेको छ। सिनेमा नेपालसहित विदेशमा पनि एकसाथ प्रदर्शनमा हुनेछ। सिनेमामा शिल्पा, गौरव तथा नाजिरका अलावा टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्तको अभिनय रहेको छ।

सिनेमामा सन्जेन थापाको एक्सन रहेको छ। रेमन गुरुङ, नारायण राई र सञ्जोग राईको निर्माण रहेको सिनेमाको कार्यकारी निर्माता जावेद खान तथा सह-निर्माता उजेन नोर्वे गुरुङ र मिलन लामा हुन्।

जोएल फ्रोमले छायांकन गरेको सिनेमाको पटकथामा निर्देशक राईलाई अजय गौतमले सघाएका छन्। सिनेमालाई मनोज राठी र उज्वल पौडेलले वितरण गर्दैछन्। सिनेमा भदौ २१ गते रिलिज हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

के भएको थियो बाल गायक सचिन परियारलाई?

सचिन परियारको निधनमा प्रधानमन्त्रीद्वारा दु:ख व्यक्त

गौशालामा मृत भेटिएकी सुस्मिताको प्रेमीले हत्या गरेकाे प्रहरीको निष्कर्ष