काठमाडौं- प्रधानमन्त्री पुष्पकमल दाहाल प्रचण्डले समाजवादी मोर्चा बनेपछि जनतामा भरोसा बढेको बताएका छन्।समाजवादी मोर्चाको विराटनगरमा आयोजित सन्देश सभामा उनले अहिलेको मोर्चा नयाँ आधारको नयाँ एकता भएको बताए।
उनले १२ बुँदे सम्झौता स्मरण गर्दै त्यतिबेला तत्कालीन माओवादी र ७ दल एकताबद्ध भएर राजतन्त्र हटाउन सफल भएको बताए। त्यसबेला नेकपा एमालेको नेतृत्व माधव नेपालले गरिरहेकाले पनि गणतन्त्र ल्याउन सहज भएको उनको भनाइ थियो। एमालेका अध्यक्ष केपी शर्मा ओलीलाई लक्षित गर्दै उनले यदि त्यसबेला नै अहिलेको नेतृत्व भएको भए गणतन्त्र र संघीयता ल्याउन सहज नहुने टिप्पणी गरे।
२०६१ माघ १९ मा एक शाही घोषणामार्फत तत्कालीन प्रधानमन्त्री शेरबहादुर देउवालाई अपदस्त गरी तत्कालीन राजा ज्ञानेन्द्र शाहले नेतृत्व हत्याएका थिए। शाहको उक्त कदमपछि फरकफरक कित्ताका दलहरुलाई एकै ठाउँमा उभिएका थिए।
तत्कालीन नेकपा माओवादी र ज्ञानेन्द्रको 'कु'सँगै शासन सत्ताबाट बाहिरिएका संसदीय दलहरूबीच १२ बुँदे समझदारी भएको थियो। सोही सहमतिले नेपालमा राजतन्त्र अन्त्य र गणतन्त्र कार्यान्वयनको वैधानिक र सर्वस्वीकृत बाटो पहिल्याएको थियो। २०६२ मंसिर ७ मा भएको सो सम्झौताको पहिलो बुँदामा नै भनिएको थियो, ‘निरंकुश राजतन्त्र अन्त्य गरेर पूर्ण लोकतन्त्र स्थापना नगरेसम्म देशमा शान्ति, प्रगति र समृद्धि सम्भव छैन भन्ने हाम्रो स्पष्ट धारणा छ।’
सो सहमतिमा संसद्वादी सात दल र युद्धरत माओवादी केन्द्रका नेताहरूले हस्ताक्षर गरेका थिए। उक्त सम्झौतासँगै गणतन्त्र स्थापना र राजतन्त्र अन्त्यका लागि कोइराला र नेपालले ठूलो भूमिका खेलेको प्रधानमन्त्री प्रचण्डले बताएका हुन्।
‘हिजो राजतन्त्रका विरुद्ध ७ राजनीतिक दल र तत्कालीन माओवादी एकताबद्ध थियौँ। माधवजी नेतृत्वमा नभएको भए र एमालेमा अहिलेको जस्तो नेतृत्व भए के हुन्थ्यो होला भनेर कहिलेकाहीँ म सोच्छु। के हुन्थ्यो होला?,’ उनले भने, ‘बडो गाह्रो हुन्थ्यो गणतन्त्र/समावेशी ल्याउन।’
तत्कालीन एमाले र माओवादी केन्द्रबीच भएको एकता हतासमा गरिएको पनि उनले बताए। उनले भने, ‘पार्टी एकता हतासमा गरियो, फुर्सदमा फुट्यो।’ तर यतिबेला समाजवादी मोर्चा बनाएर जाने निर्णय चानचुने नभएको उनले बताए। अहिले कम्युनिष्ट पार्टीहरूबीच मोर्चा बनेपछि र यस मोर्चामा नेत्रविक्रम चन्द नेतृत्व विप्लव नेतृत्वको नेकपा पनि सहभागी हुँदा जनतामा एउटा भरोसा बढेको भनाइ उनको थियो। अन्तत: यो मोर्चा कम्युनिष्ट एकताका रुपमा बदलिने पनि उनको भनाइ थियो।
पार्टी एकता गर्न हतार गर्नुभन्दा मोर्चा बनाएर काम गर्दै जाने र अन्तत: कम्युनिष्टहरू एक ठाउँमा आउनेगरी सहमति भएको उनले बताए। उनले भने, ‘हामी विभाजित भएपछि जनता निरास भए। अहिले एकता संघर्षमा रुपान्तरण भयो। नयाँ आधारको नयाँ एकता हो यो, चानचुने एकता होइन यो। ठोक्किँदै ठोक्किँदै फेरि आएर एकै ठाउँमा एकत्रित भएका छौँ।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1738557849.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
