काठमाडौं– सरकारले आगामी आर्थिक वर्षमा कृषि तथा पशुपक्षी विकास मन्त्रालयका लागि करिब ५९ अर्ब रुपैयाँ विनियोजन गरेको छ।
आर्थिक वर्ष २०८०/८१ को बजेट प्रस्तुत गर्दै अर्थमन्त्री डा.प्रकाशशरण महतले ५८ अर्ब ९८ करोड रुपैयाँ विनियोजन गरेको बताए।
यो चालू आर्थिक वर्षको तुलनामा ३ अर्ब ९ करोडले धेरै र १० वर्षअघिको तुलनामा ३७ अर्ब ५८ करोडले बढी रकम हो। चालु आर्थिक वर्ष (०७९/८०) मा सरकारले कृषि तथा पशुपक्षी विकास मन्त्रालयका लागि ५५ अर्ब ८९ करोड रुपैयाँ बजेट विनियोजन गरेको थियो। जुन गत आ.वको तुलनामा ३ अर्ब ९ करोड रुपैयाँले धेरै हो।
सरकारले यो वर्ष रासायनिक मलको अनुदान पनि दोब्बर बनाएको छ।
आ.व ०७०/७१ मा २१ अर्ब ४० करोड रुपैयाँ बजेट विनियोजन भएको थियो भने आ.व०७१/७२ मा २३ अर्ब २८ करोड भएको थियो। आ.व ०७२/७३ मा २१ अर्ब ५१ करोड, ०७३/७४ मा २७ अर्ब ४३ करोड, ०७४/७५ मा २४ अर्ब २६ करोड र ०७५/७६ मा २९ अर्ब ९४ करोड विनियोजन भएको थियो।
यस्तै आ.व ०७६/७७ मा ३४ अर्ब ८३ करोड, ०७७/७८ मा ३७ अर्ब ४० करोड, ०७८/७९ मा ४५ अर्ब ०५ करोड र ०७९/८० मा ५५ अर्ब ८९ करोड विनियोजन भएको थियो।
| आर्थिक वर्ष |
बजेट विनियोजन (रुपैयाँ) |
| २०७०/७१ |
२१ अर्ब ४० करोड |
| २०७१/७२ |
२३ अर्ब २८ करोड |
| २०७२/७३ |
२१ अर्ब ५१ करोड |
| २०७३/७४ |
२७ अर्ब ४३ करोड |
| २०७४/७५ |
२४ अर्ब २६ करोड |
| २०७५/७६ |
२९ अर्ब ९४ करोड |
| २०७६/७७ |
३४ अर्ब ८३ करोड |
| २०७७/७८ |
३७ अर्ब ४० करोड |
| २०७८/७९ |
४५ अर्ब ०५ करोड |
| २०७९/८० |
५५ अर्ब ८९ करोड |
| २०८०/८१ |
५८ अर्ब ९८ करोड |
के छन् विशेषता?
कृषि तथा पशुपक्षी विकास मन्त्रालयका लागि विनियोजित बजेटका विभिन्न विशेषता छन्। जसअन्तर्गत् जीडीपीमा कृषि क्षेत्रको योगदान बढाइने भएको छ।
१ सय स्थानीय तहमा धान र आलु खेती विस्तार गरिने र औषधि उत्पादनमा योगदान पुर्याउन गाँजा खेतीको सम्भाव्यता अध्ययन गरिने भएको छ। यस्तै प्रधानमन्त्री कृषि आधुनीकीकरण अन्तर्गत ३ अर्ब २२ करोड रुपैयाँ छुट्याइएको छ।
रासायनिक मलमा ३० अर्ब बजेट छुट्याइएको छ। मल, बीउ र बीमा बाहेकका अनुदान उत्पादनपछि वितरण गरिनेछ। धरान, सिन्धुली, धनुषा, सिरहा र सुर्खेतका थोक तरकारी बजारमा विषादी परीक्षण प्रयोगशाला खोलिने छ।
कृषिमा युवा परिचालन गर्न एक अर्ब २० करोड बजेट छुट्याइएको छ। कृषि बीमामा बाली तथा पशु बीमाको लागि उचित बजेट विनियोजन गरिएको छ।
एक सय स्थानीय तहमा पोषिलो घाँसे बाली विकास गरिने बजेटमा उल्लेख छ। किसानको बालीमा बाँदर लगायतका जंगली जनावरबाट बचाउन तारबार गर्न बजेटमा समावेश गरेको छ। साथै उत्कृष्ट कृषकलाई ‘राष्ट्रपति उत्कृष्ठ किसान’ सम्मान दिइने व्यवस्था बजेटमा समावेश छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1786513116.png)
-1788425345.png)
