काठमाडौं– लेखक नगेन्द्र न्यौपानेको नयाँ उपन्यास ‘खण्डहर दरबार’ प्रकाशित भएको छ। उक्त उपन्यासलाई बीएन पुस्तक संसार प्रालिले बजारमा ल्याएको हो।
‘दरबार हत्याकाण्डबारे थुप्रै पुस्तक बजारमा आएका छन्’, लेखक न्यौपानले भने, ‘तर यो पुस्तकले दरबार हत्याकाण्डको सत्यतथ्य बाहिर ल्याएको छ।’
पुस्तकमा दरबार हत्याकाण्डबारे नखुलेका रहस्य उजागर गरेको न्यौपानेले दाबी गरे। उपन्यासले दरबार हत्यकाण्डको घटनालाई विस्तृत रुपमा बाहिर ल्याएको उनले बताए।
‘ठूलो षड्यन्त्र भयो दरबारमा। राजा वीरेन्द्रको वंश नाश गरियो तर, दोष चाहिँ युवराज दीपेन्द्रमाथि थोपरियो। जुन कुरा जनताले पत्याउन सकेका थिएनन्। उपन्यासमा दरबार हत्याकाण्डमा नखुलेका रहस्य उजागर गरिएको छ’, न्यौपानेले भने।
‘खण्डहर दरबार’ नेपाली जनताले खोजेको पुस्तक भएको प्रकाशन गृहका कार्यकारी प्रमुख सूर्य बिसीले बताए। यसले आम जनता र तत्कालीन युवराज दीपेन्द्रमाथि समेत न्याय गर्ने उनी बताउँछन्।
लेखक न्यौपानेको यो दशौँ कृति हो। यसअघि उनको ‘दरबारबाहिरकी महारानी’ निकै रुचाइएको थियो। ‘खण्डहर दरबार’ उपन्यासको बजार मूल्य ५२५ रूपैयाँ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752222253.png)
-1752221006.png)
-1752043710.jpg)
-1749826086.png)
