एजेन्सी- बलिउडदेखि हलिउडसम्म यात्रा तय गरेकी अभिनेत्री प्रियंका चोपडा पछिल्ला दिनमा बलिउडलाई लिएर दिएको बयानले चर्चामा छन्।
एक अन्तर्वार्ताका क्रममा प्रियंकाले बलिउडमा आफूलाई कसैले काम नदिन थालेपछि उनले हलिउडको यात्रा तय गरेकी हुन्। आफूलाई बलिउडमा किनारा पारिन थालेको उनले सुनाइन्।
प्रियंकाले यो पनि भनि न कि बलिउडमा मौलाउँदै गएको गुटबाजी राजनीतिदेखि दिक्क भएर उनी अमेरिका जाने निर्णयमा पुगेकी थिइन्। यही दिक्कतालाई लिएर भारत छोडेर अमेरिका गएकी प्रियंकाले हलिउडमा आफूलाई स्थापित गर्न कति संर्घष गरिन् ,अमेरिकामा उनलाई पहिलो अफर कसरी मिल्यो, उनी अहिले हलिउडमा के के गरिरहेकी छन् सबैको चासो रहेको देखिन्छ।
कसरी प्राप्त भयो हलिउडको पहिलो अफर?
प्रियंका चोपडाले डेक्स शेफर्ड पोडकास्ट शो ‘आर्मचेयर एक्सपर्ट’मा बलिउडको कालो (अध्याँरो) सिक्रेटको बारेमा कुरा गरिन्।
‘म केही समयदेखि बलिउडदेखि बाहिर निस्कने बाटो खोजीरहेकी थिएँ। किनकी मलाई इन्डस्ट्रीमा किनारा पारिदै गएको थियो’,उनले भनेकी छन् ‘देसी हिट्स’की अञ्जली आाचार्यले एक पटक एक म्युजिक भिडियोमा देखेर फोन गरिन्। यो उक्त समयको कुरा थियो जब प्रियंका ‘सात खुन माफ’को शुटिङमा थिइन्। अञ्जलीले प्रियंकासँग सोधिन् कि के तिमी अमेरिकामा आफ्नो म्युजिक करियर बनाउन चाहन्छ्यौ?’
त्यसपछि आफू अमेरिका पुगेको प्रियंकाले बताइन्।
२०१२ मा प्रियंकाले आफ्नो पहिलो इन्टरनेशनल सिंगल इन माई सिटी रिलिज गरिन्। यो गीतलाई प्रियंकाले वईल आई एमसँग गाइन्। इन्टरनेशनल इन्टरटेनमेन्ट उद्योगमा योसँगै प्रियंकाको दमदार उपस्थितिको श्रेय उनको अन्तर्राष्ट्रिय गीत एक्जोटीक।
९ जुलाई २०१३ मा रिलिज भएको यो गीतले उनलाई थप उचाई दियो। यसले उनलाई धेरै फेम दियो। यसका साथै उनलाई अन्तराष्ट्रियस्तरमा अलग्गै पहिचान मिल्यो। प्रियंकाले त्यसपछि आफ्नो तेस्रो गीत ‘आई कान्ट मेक यू लव मी’ रिलिज गरिन्। २०१४ अप्रिलमा उनको उक्त गीत रिलिज भयो।
अमेरिकी टिभी सिरिज क्वान्टिकोमा डेब्यू
आफ्नो अन्तर्राष्ट्रिय दुई म्युजिक भिडियो एल्बमपछि २०१५ मा प्रियंकालाई पहिलो अमेरिकन टिभी शो क्वान्टिकोमा अवसर मिल्यो। यसमा प्रियंकाले एलेक्स पैरिश नामक एफबीआई एजेन्टको भूमिका निभाइन्।
प्रियंकाले यो टिभी सिरिजमा तीन सिजन काम गरिन्। यसपछि प्रियंकाले २०१७ मा हलिउडस्टार ड्वाय जोनसन (द रोक)सँग आफ्नो पहिलो हलिउड फिल्म वेवाचमा डेब्यु गरिन्। यो एक एक्सन र कमेडी भरिएको फिल्म थियो। जसमा प्रियंकाले नेगेटिभ भूमिका निभाइन्।
यो फिल्मपछि हलिउडका जानेमाने एक्सन हिरो ड्वान जोनसनले प्रियंकाको अभियनको खुलेर तारिफ गरे। प्रियंकाको द ब्हाइट टाइगर, द म्याट्रिक्क रिसरेक्कशन्स, जोनस ब्रर्दर्स जस्ता पारिवारिक फिल्म शोमा काम मिल्न थाल्यो।
प्रियंकाको आउँदो फिल्म
प्रियंका चोपडाको अहिलेको कुरा गर्ने हो भने उनको हातमा कयौं हलिउड प्रोजेक्टको लाइन लागेको छ। प्रियंका छिट्टै रुसो ब्रदर्सको सिरिज ‘सिटाडेल’मा देखिदैछन्। यसबाहेक उनी हलिउड फिल्म ‘एन्डिङ थिग्स’ र ‘लभ अगेन’को पनि एक हिस्सा हुन्।
यससँगै प्रियंकाले ७ अप्रिलमा आफ्नो सामाजिक सञ्जालमा उल्लेख गरेकी छन्, उनी छिट्टै रेस्लर जोन सिनासँग अनस्क्रिन एक्सन गर्दै गरेको देखिने छिन्। इदरीस एल्बापनि यसमा देखिदैछन्।
प्रियंकाको अन्य उपलब्धि
२०१५ मा टिभी सिरिज ‘क्वान्टिको’बाट आफ्नो बलिउड करियर सुरु गरेकी प्रियंका चोपडा अहिलेको समयमा ग्लोबल आइकन बनेर निस्कदैछन्। कुनै हलिउड सिरिजमा लिड रोल प्ले गर्ने पहिलो दक्षिण एशियाली महिला अभिनेत्रीको रुपमा प्रियंकाले छलाङ मार्दै छन्।
‘क्वान्टिको’का लागि प्रियंकालाई पिपल्स च्वाइस अवार्ड २०१७ मा मनपर्ने ड्रामाटिक एक्ट्रेसको अवार्ड प्राप्त भएको थियो।
२०१८ मा प्रियंकाले अमेरिकी सोशल र डेटिङ एप बबलमा लाखौं लगानी गरिन्। भारतीय बजारमा यो २०१८ मा आयो। हलिउड डेब्युको अघिल्लो वर्ष प्रियंका चोपडाको टाइम म्यागजिनमा १०० प्रभावशाली मानिसको सूचीमा सहभागी गराइएको थियो।
एक लेखकको रुपमा प्रियंकाले एक किताब पनि लेखेकी छन्। यसको नाम मेमोर अनफिनिस्ड हो। यो किताब ९ फेब्रुअरी २०२१ मा रिलिज भएको थियो। यो किताब न्यूयोर्क टाइम्सको बेस्ट सेलरको लिष्टमा सूचीकृत भएको छ। युनिसेफले समेत प्रियंकालाई २०१९ मा उच्चस्तरीय काम गरेको भन्दै सम्मानित गर्यो।
(द क्विन्ट हिन्दीबाट भावानुवाद गरिएको)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
