काठमाडौं– १५ लाख रुपैयाँ लुटपाट भएको भनेर पैसा लुकाउन खोज्ने युवक पक्राउ परेका छन् । ओटु बस्ने असगर अलीलाई प्रहरीले पक्राउ गरेको हो।
उनले आफू काम गर्ने पसलको पैसा सहकारी संस्थाबाट झिकी पसलतर्फ लैजाने क्रममा लुटपाट प्रहरीमा उजुरी दिएका दिए। तर, सो रकम उनले आफैं लुकाएको अवस्थामा भेटिएको छ।
यस्तो थियो घटना
आइतबार दिउँसो करिब डेढ बजे सोह्रखुट्टेको हारती होटल अगाडिबाट १५ लाख रुपैयाँ लुटिएको भन्दै प्रहरीमा उजुरी आयो । लगत्तै काठमाडौं परिसर तथा अपराध महाशाखाको टोलीले अनुसन्धान अघि बढायो।
क्षेत्रपाटीस्थित जेपीओ ट्रेडिङ प्रालि नामक कम्पनीमा काम गर्ने अलीले आइतबार पसलको नगद १५ लाख बज्रयोगिनी बहुउदेश्यीय सहकारी संस्था न्युरोडबाट झिकी क्षेत्रपाटीतर्फ आउँदै गरेको अवस्थामा पल्सर मोटरसाइकलमा आएका २ जना अपरिचित ब्यक्तिहरुले धारिलो हतियार खुकुरी देखाई नियन्त्रणमा लिई स्वयम्भूको जंगलमा लगेर लुटेको बताएका थिए।
उनको घटना विवरण सुन्दा होइन भन्ने अवस्था थिएन। उनले मिनेट मिनेटको घटना विवरण सुनाएका थिए। चक्कु देखाएर आफुलाई नियन्त्रणमा लिई झाडीमा लगेर लुटिएको उनको भनाई थियो। काठमाडौंमा दिउँसै १५ लाख रुपैयाँ लुटपाट भएको बताएपछि प्रहरी अधिकारी पनि दबाबमा थिए।
महानगरीय प्रहरी वृत्त सोह्रखुट्टेका डिएसपी गौतम केसीले पीडित अलीलाई गाडीमा राखेर सबै घटनास्थल लिएर गए। कतिपय अवस्थामा उनले भनेका कुरा र घटनास्थलको अवस्था फरक थियो। त्यसकारण शंका जन्मियो।
अपराध अनुसन्धानमा जहाँ शंका उब्जन्छ, त्यहीबाट अनुसन्धानले बाटो लिन्छ। अलीले धेरै समय प्रहरीलाई झुक्याउन सकेनन्।
थप अनुसन्धान गर्ने क्रममा उनले आफैंले पैसा लुकाएको खुलेको डिएसपी केसीले बताए। उनले पकनाजोलस्थित आफु बस्ने राजेश श्रेष्ठको घरको भ¥याङमुनि पैसा लुकाएका थिए। झोलाभित्र लुकाई राखेको अवस्थामा १५ लाख ३१ हजार ८ सय रुपैयाँ बरामद गरेको छ। कम्पनीलाई ठग्न खोज्दा उनी आफैं फन्दामा परेका छन्।
आफैं केही व्यवसाय गर्ने रहरले यस्तो नाटक गरेको उनले बताएका छन्।
अली काम गर्ने क्षेत्रपाटीस्थित जेपीओ ट्रेडिङ प्रालिमा केही चिनियाँहरुको समेत लगानी छ। जहाँ हुन्डीको कारोबार हुने गरेको सूचना प्रहरीले पाएको छ। प्रहरीले पैसाको स्रोतमाथि पनि अनुसन्धान अघि बढाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
