काठमाडौं– इंग्लिस प्रिमियर लिग फुटबलमा लिग लिडर आसनलसहित दुई बिग क्लब पराजित भएका छन्।
गएराति भएका खेलहरुमा लिग लिडर आर्सनलसहित अर्को ठूलो क्लब लिभरपुल पनि पराजित भएको छ।
लिभरपुलले उल्भ्ससँग ३–० गोलको हार व्यहोरेको हो।
उल्भ्सको जितमा क्रेग डसन र रुबेन नाभासले एक–एक गोल गरे। एक आत्मघाती उपहार पाएको थियो।
खेलको पाँचौं मिनेटमा लिभरपुलका जोएल माटिपले आत्मघाती गोल गरेपछि उल्भ्सले अग्रता बनाएको थियो।
यसपछि, खेलको १२ औं मिनेटमा डसनले गोल गर्दा उल्भ्सको अग्रता २–० को बन्यो। खेलको ७१ औं मिनेटमा नाभासले गोल गर्दै उल्भ्सलाई ३–० को सहज जित दिलाए।
यस जितसँगै १५ औँ स्थानमा रहेको उल्भ्सले २१ खेलमा २० अंक जोडेको छ ।
पराजित लिभरपुल भने २९ अंक जोडेर दशौँ स्थानमा रहेको छ।
यस्तै अर्को खेलमा लिग लिडर आर्सनललाई एभर्टनले १–० गोल अन्तरले हराएको हो।
पहिलो हाफ गोलरहित बराबरीमा सकिएको खेलको दोस्रो हाफमा गोल गर्दै एभर्टनले जित निकालेको हो ।
एभर्टनलाई जित दिलाउन जेम्स तार्कोवस्कीले ६० औँ मिनेटमा निर्णायक गोल गरेका थिए।
जारी सिजनमा लिग लिडर आर्सनलको यो दोस्रो हार हो।
यस हारका बाबजुद आर्सनलले शीर्ष स्थानमा यथावत छ। आर्सनलले २० खेलमा ५० अंक जोडेर शीर्ष स्थानमा रहेको छ।
एभर्टन १८ अंक जोडेर १७ औं स्थानमा रहेको छ ।
शनिबार राति नै भएको खेलमा अर्को खेलमा अर्को ठूलो क्लब म्यानचेस्टर युनाइटेडले भने क्रिस्टल प्यालेसलाई २–१ गोल अन्तरले हराएको छ।
खेलको सातौं मिनेटमा ब्रुनो फर्नान्डेसले पेनाल्टीबाट गोल गर्दै युनाईटेडलाई सुरुवाती अग्रता दिलाएका थिए ।
खेलको ६२ औं मिनेटमा मार्कुस रासफोर्डले गोल गर्दा युनाईटेड २–० ले अघि रह्यो।
खेलको ७० औं मिनेटमा कासिमिरोले रातो कार्ड पाएपछि युनाइटेड १० खेलाडीमा सीमित भएको थियो।
त्यसपछि खेलको ७६ औं मिनेटमा क्रिस्टलका जेफ्री स्लुपले गोल गरे त्यो जितका लागि पर्याप्त भएन। त्यसपछि कुनै गोल नभएपछि खेल युनाइटेडले २–१ ले जित्यो।
यस जितसँगै तेस्रो स्थानमा रहेको युनाइटेडले २१ खेलमा ४२ अंक जोडेको छ। क्रिस्टल प्यालेस २४ अंक जोडेर १२ औं स्थानमा रहेको छ।
यस्तै अर्को खेलमा ब्रेन्टफोर्डले साउथह्याम्पटनलाई ३–० ले हराएको छ भने लेस्टर सिटीले एस्टन भिल्लालाई ४–२ ले पराजित गरेको छ। ब्राइटनले पनि बर्नेमाउथलाई १–० ले हराएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1786513116.png)
-1788425345.png)
