काठमाडौं– सर्वोच्च अदालतले माओवादी युद्धका बेला ओखलढुङ्गाको तारकेराबारीका उज्जनकुमार श्रेष्ठको हत्या मुद्दामा थुनामा रहेका पुष्कर गौतमलाई उच्च अदालत पाटनले दिएको जन्मकैद सजाय सदर गरेको छ। सर्वोच्चले उच्च अदालतले गरेको फैसला मिलेको देखिएकाले सदर हुने फैसला माघ ९ गते सुनाएको हो ।
न्यायाधीशद्वय विश्वभरप्रसाद श्रेष्ठ र सुष्मालता माथेमाको इजलासले जन्मकैदको फैसला सदर गरेपछि गौतम तत्काल छुट्ने सम्भावना समाप्त भएको छ।
माओवादी कार्यकर्ताले २०५५ असार १० गते गोली हानेर श्रेष्ठको हत्या गरेका थिए। उक्त प्रकरणमा बालकृष्ण ढुंगेल पनि जोडिएका थिए। ढुङ्गेल यसअघि नै थुनामा बसेर पछि आममाफी पाएर छुटेका थिए। ढुंगेलको शौचालयमा लडेर ज्इान गइसकेको छ। ढुंगेलको हकमा फैसलाको पूर्णपाठ सार्वजनिक भएपछि मात्र थाहा हुनेछ।
जिल्ला र उच्चले दोषी ठहर गरेपछि २०७३ भदौ २० गते सर्वोच्चमा पुनरावेदन गरेका थिए। उनीपछि नेपाल सरकार पनि सर्वोच्च पुगेको थियो । केशवहरि ढुंगेलसहित अन्य प्रतिवादीको हकमा नेपाल सरकारले पुनरावेदन गरेको थियो। उज्जनको हत्याविरुद्ध जाहेरी दिएको आरोपमा भाइ गणेशकुमार श्रेष्ठको पनि हत्या भएको थियो।
उज्जनको हत्यामा ओखलढुंगा जिल्ला अदालतले तत्कालीन माओवादी नेता ढुंगेल र गौतमलगायतलाई दोषी ठहर गरेको थियो। तत्कालीन समयमा फरार रहेका गौतमलाई प्रहरीले २०७१ सालमा पक्राउ गरेको थियो।
माओवादीबाट संविधान सभा सदस्यसमेत भएका बालकृष्ण ढुंगेललाई पनि यही मुद्दामा सर्वस्वसहित जन्मकैद भएको थियो।
उज्जनको हत्या घटनामा ९ जनाविरुद्ध अभियोग लागेको थियो। जिल्ला अदालत ओखलढुङ्गाले ढुंगेल र गौतमसहितलाई दोषी ठहर गरेको थियो। जिल्ला अदालतले ढुंगेल र गौतमविरुद्ध सर्वश्वसहित जन्मकैदको फैसला सुनाएको थियो।
जिल्लाको फैसलाविरुद्ध ढुंगेलले तत्कालीन पुनरावेदन अदालत राजविराजमा पुनरावलोकन निवेदन दिएका थिए। पुनरावेदन अदालतले जिल्लाको फैसला उल्टाउँदै ढुंगेल र गौतमसहितलाई सफाइ दिएको थियो।
पुनरावेदन अदालतको फैसलाविरुद्ध सरकारी वकिलले सर्वोच्चमा निवेदन दिएको थियो। सर्वोच्चले २०६६ सालमा जिल्लाकै फैसला सदर गरेको थियो।
जिल्ला अदालतको फैसलापछि पनि ढुंगेल र गौतमसहितका अभियुक्तहरु फरार थिए। गौतमलाई प्रहरीले २०७१ सालमा पक्राउ गरेको थियो। ढुंगेल फरार रहकै बेला २०७५ कात्तिक ७ गते सर्वोच्चले एक साताभित्र उनलाई पक्राउ गर्न नेपाल प्रहरीका तत्कालीन महानिरीक्षक प्रकाश अर्यालका नाममा आदेश दिएपछि उनी पक्राउ परेका थिए।
सर्वोच्चको परमादेशपछि पक्राउ परेर थुनामा रहेका ढुंगेल २०७६ सालमा राष्ट्रपतिबाट माफी पाएर रिहा भएका थिए।
ओखलढुंगाका जिल्ला न्यायाधीश कोषकुमार नेम्वाङले श्रेष्ठ हत्याबारे संकलित प्रमाणका आधारमा ढुंगेल र गौतमविरुद्ध अभियोग पुष्टि गरेको भन्दै जन्मकैद फैसला सुनाएको थियो। २०५५ मा भएको हत्याकाण्डमा नौ जना मुछिएका थिए। तत्कालीन समयमा माओवादीका जिल्ला सदस्य भनिएका गौतमले टर्च देखाउने र ढुंगेलले गोली हानेको अभियोगपत्रमा दाबी गरिएको छ।
गौतम कसरी जोडिए?
पोकली– २ लेतीकै पुष्कर गौतम ढुंगेलका राजनीतिक सहयात्री थिए। पुष्करले बालकृष्णसँगै जनमोर्चा नेपालबाट राजनीति प्रवेश गरेका थिए। ढुंगेलसँगै पार्टीमा आन्तरिक द्वन्द्व भए पनि टारकेराबारीका तत्कालीन प्रधानपञ्च दीर्घराज पौडेलसँग उज्जनको सम्बन्ध राम्रो भएका कारण तथा चन्दालगायत यौनको विषयलाईसमेत जोडेर ढुंगेल र गौतम मिलेर उज्ज्नको हत्याको योजना बनाएका थिए। स्थानीय स्तरमा चामल मिल चलाएका उज्जनले मिलमा काम गर्ने एक महिला राखेको र ती महिलालाई श्रीमती बनाएको भनि विवाद सुुरु भएको थियो। गौतमले ०५४ सालमै माओवादीबाट आत्मसमर्पण गरी सक्रिय राजनीति त्यागेका थिए। उनी केही समयअघि द्वन्द्व विज्ञानमा विद्यावारिधि गर्न विदेश पनि पुगेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789992067.jpeg)
-1789631269.jpg)
