काठमाडौं– मंसिर ४ मा भएको प्रतिनिधि सभाको निर्वाचनको मतगणना जारी रहेको छ। हालसम्म ७ स्थानमा नतिजा सार्वजनिक भएको छ। नेपाली काग्रेसले ४, नेकपा एमालेले २ र नागरिक उन्मुक्ति पार्टीले १ सिटमा जित हात पारेको छ। मतगणनामा काग्रेसले ४८ स्थानमा अग्रता कायम गरेको छ। एमालेले ४२ स्थानमा अग्रता कायम गरेको छ। प्रारम्भिक मतगणनामा एमालेका हेभिवेट उम्मेदवारहरू पछाडि परेका छन्। वरिष्ठ उपाध्यक्ष ईश्वर पोखरेलदेखि महासचिव शंकर पोखरेलसम्म प्रारम्भिक अवस्थामा आफ्ना प्रतिस्पर्धीसँँग पछाडि परेका छन्।
यी हेभिवेट जो पछि छन्:
१. ईश्वर पोखरेल
एमालेका वरिष्ठ उपाध्यक्ष ईश्वर पोखरेल शुरुवाती गणनादेखि नै पछाडिरहेका छन्। काठमाडौं– ५का उम्मेदवार रहेका उनी कांग्रेसका प्रदीप पौडेलसँग पछि रहेका छन्। पौडेलले ११६०० मत पाएका छन्। उनलाई एमालेका पोखरेलले ७९८१ मत ल्याएर पछ्याइरहेका छन्। ०७४ सालमा उक्त क्षेत्रवाट पोखरेल सांसद भएका थिए।
२. शंकर पोखरेल
एमालेका महासचिव शंखर पोखरेल पनि मतगणनामा पछि परेका छन्। दाङ–२ मा पोखरेल माओवादी केन्द्रकी रेखा शर्मासँग पछि परेका हुन्। शर्माले ८ हजार ६३० मत पाएकी छिन् भने पोखरेलले ६८१० मत पाएका छन्। २०७४ मा प्रदेश सभाबाट विजेता हुँदै उनी लुम्बिनी प्रदेशका मुख्यमन्त्री भएका थिए।
३. विष्णु पौडेल
एमाले नेता विष्णु पौडेल पनि शुरुवाती चरणदेखि नै पछाडि परेका छन्। राष्ट्रिय स्वतन्त्र पार्टीका गणेश पौडेलले उनलाई पछि पारेका छन्। घन्टी चिह्न लिएर निर्वाचनको मैदानमा रहेका पौडेलले ४ हजार २३५ मत पाएका छन्। पौडेलले ४ हजार ७२ मत पाएका छन्। सत्ता गठबन्धनको उम्मेदवारको उम्मेदबारी खारेजी भएपछि पौडेल ढुक्क झैँ देखिएका थिए। सत्ता गठवन्धनले पौडेलको क्षेत्रमा राष्ट्रिय जनमुक्ति पार्टीका केशवबहादुर थापामगरलाई सर्मथन गरेको थियो।
४. सुवास नेम्वाङ
एमालेका उपाध्यक्ष सुवा नेम्वाङ पनि मतगणनामा पछि परेका छन्। प्रारम्भिक मतगणनामा उनी कांग्रेसका उम्मेदवार डम्बरबहादुर खड्कासँग पछि परेका हुन्। खड्काले ३ हजार ७५६ मत प्राप्त गरेका छन् भने नेम्वाङले ३ हजार ४५५ मतमात्र पाएका छन्।
५. गोकुल बाँस्कोटा
एमाले नेता गोकुल बाँस्कोटा पनि पछि परेका छन्। प्रारम्भिक मतगणनामा कांग्रेसका शिवप्रसाद हुमागाईंसँग पछि परेका हुन्। हुमागाईंले ७ हजाार ८१ मत प्राप्त गर्दा वाँस्कोटाले ६ हजार ३५४ मत प्राप्त गरेका छन्। ०७४ सालमा बाँस्कोटा उक्त क्षेत्रबबाट निर्वाचित भएका थिए।
६. महेश बस्नेत
भक्तपुरमा क्षेत्र नम्बर २ मा महेश बस्नेत पछि परेका छन्। उनी कांग्रेसका दुर्लभ थापासँग पछि परेका हुन्। थापाले १४ हजार ९६ मत प्राप्त गरेका छन्। उनलाई पछ्याइरहेका बस्नेतले १३ हजाार ४३ मत प्राप्त गरेका छन्। ०७४ मा उक्त क्षेत्रबाट बस्नेतले जितेका थिए।
७. सुरेन्द्र पाण्डे
एमालेका उपाध्यक्ष सुरेन्द्र पाण्डे पनि पछाडि परेका छन्। उनी राष्ट्रिय स्वतन्त्र पार्टीका उम्मेबार हरि ढकालसँग पछि परेका हुन्। ढकालले ७३८६ मत ल्याउँदै अग्रता कायम गरेका छन् भने पाण्डे ६ हजार ८५१ मतसहित उनलाई पछ्याइरहेका छन्। ०७४ सालमा पाण्डे उक्त क्षेत्रबाट निर्वाचित हुँदै सांसद भएका थिए। कांग्रेसका विश्व पौडेल तेस्रो नम्बरमा पुगेका छन्।
८. कृष्णभक्त पोखरेल
अहिलेको चर्चाको क्षेत्र हो चितवन क्षेत्र नम्बर २। उक्त क्षेत्रमा राष्ट्रिय स्वतन्त्र पार्टीका अध्यक्ष रवि लामिछाने उक्त क्षेत्रबाट निर्वाचन लडेका छन्। हालसम्मको मतगणनामा लामिछानले अग्रता कायम गरेका छन्। शुरुवाती गणनामा एमालेका कृष्णभक्त पोखरेल अघि लागेका थिए। तर पछिल्लो गणनामा लामिछानले ४ हजाार ३१० मत प्राप्त गरेका छन्। एमालेका पोखरेलले ३ हजार ८३० मतसहित पछ्याइरहेका छन्। कांग्रेसका उमेश श्रेष्ठ तेस्रो नम्बरमा छन्।
९. वसन्त नेम्वाङ
एमालेका नेता वसन्तकुमार नेम्वाङ पनि पछि परेका छन्। पाँचथरबाट ०७४ सालमा निर्वाचित उनी यसपटक पनि सोही क्षेत्रमा उम्मेदवार भएका थिए। उक्त क्षेत्रमा कांग्रेसका भीष्मराज आङ्देम्बेले अग्रता कायम गरेका छन्। उनले ३ हजार ७७४ मत प्राप्त गरेका छन् भने नेम्वाङले ३ हजाार ५११ मत प्राप्त गरेका छन्।
१०. शेरबहादुर तामाङ
सिन्धुपाल्चोक क्षेत्र–२ का एमाले उम्मेदवार शेरबहादुर तामाङ पनि पछि परेका छन्। उनी कांग्रेसका मोहनबहादुर बस्नेतसँग पछि परेका हुन्। उक्त निर्वाचन क्षेत्रमा बस्नेतले ६ हजार ५९२ मत प्राप्त गरेका छन् भने एमालेका तामाङले ४ हजार ६४२ मत पाएका छन्। ०७४ मा तामाङ उक्त क्षेत्रबाट निर्वाचित भएका थिए। तामाङ तेस्रोपटक जित्ने लक्ष्यसहित मैदानमा उत्रेका छन् भने बस्नेत क्षेत्र–१ बाट २ मा उम्मेदवार भएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
