लेखक डा. मोहनमूर्ति पन्त (बायाँ) र अनुवादक मिलन बगाले। काठमाडौं- वास्तुकलाका प्राध्यापक डा. मोहनमूर्ति पन्तद्वारा लिखित र वास्तुकार (आर्किटेक्ट) मिलन बगालेद्वारा अनुदित ‘महाभूकम्पपछिको पुनर्निर्माण : जापानको अनुभव’ पुस्तक बजारमा आएको छ।
ख्वपः इन्जिनियरिङ कलेज, भक्तपुरको वास्तुकला एवम् नगर डिजाइन तथा सम्पदा संरक्षण विभागमा १२ वर्ष अध्यापन गरेका पन्तले क्योटो विश्वविद्यालय, जापानको ‘ग्रेजुयट स्कूल अफ ह्युमन एन्ड इन्भाइरनमेन्टल स्टडिज’ विभागमा सन् २०१९—२०२० ताका आमन्त्रित प्राध्यापकको रूपमा काम गरेका थिए। त्यति बेला उनले सन् १९९५ मा जापानमा गएको हानसिन—आवाजी महाभूकम्पपछिको पुनर्निर्माणबारे विस्तृत अध्ययन गरेका थिए।
सोही क्रममा अंग्रेजीमा तयार भएको अनुसन्धानात्मक पुस्तक ‘पोष्ट डिजास्टर रिकन्स्ट्रक्सन : इस्युज, मोडेल्स एन्ड लेसन्स अफ अफ १९९५ ग्रेट हान्सिन–आवाजी अर्थक्वेक एन्ड बियोन्ड’लाई बगालेले नेपालीमा अनुवाद गरेका हुन्। उक्त पुस्तक लेखक पन्त स्वयंले प्रकाशन गरी बजारमा ल्याएका हुन्।
यो पुस्तकमा जापानको कोबे र कुमामोतो शहरको पुनर्निर्माण सम्बन्धी अध्ययन समेटिएको छ। त्यसमध्ये कोबे शहरको पश्चिमी क्षेत्रमा पर्ने सिन—नागाता वार्डको उत्तर पूर्वी इलाकाको आवास पुनर्निर्माण सम्बन्धमा विस्तृत अध्ययन गरी पुनर्निर्माणका विविध पाटाहरूको अन्तरसम्बन्ध र सरोकारवालाको भूमिकामाथि प्रकाश पारिएको छ। कोबे नजिकैको आवाजी टापुका ग्रामीण बजारबस्ती पनि स्थलगत अध्ययनमा समेटिएका छन्।
विपद्पछिको पुनर्निर्माणसँग सम्बन्धित यी स्थलगत अध्ययनले विशेषतः पुनर्निर्माण योजनाको आकार, शहर—बस्तीको इतिहास र शहरी जीवनशैलीबारे प्रकाश पारेको प्राध्यापक डा. पन्तले जनाएका छन्। विपद्पछिको पुनर्निर्माणका विविध पक्षको विवेचनामा नक्सा—चित्र र तथ्यांकको प्रयोग गर्दै जापानकै अनुसन्धान र समालोचनाका प्रसंग जोडेर गरिएको यो अध्ययन विपद्पछिको शहरबस्तीको योजना निर्माण र कार्यान्वयनमा सान्दर्भिक पाठ हुन सक्ने पन्तको भनाइ छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
