एमालेको आधिकारिक मत परिणाम : पदाधिकारीमा पराजित रावल, भुसाल र आचार्य केन्द्रीय कमिटीमा विजयी

महाधिवेशन विशेष

नेपाल लाइभ मंगलबार, मंसिर १४, २०७८ १९:३९

काठमाडौं- नेकपा (एमाले)को १०औं राष्ट्रिय महाधिवेशनबाट निर्वाचित केन्द्रीय कमिटीका पदाधिकारी र केन्द्रीय सदस्यको आधिकारिक मत परिणाम सार्वजनिक भएको छ।

महाधिवेशन निर्वाचन आयोगका अध्यक्ष विजय सुब्बाले आधिकारिक मत परिणाम सार्वजनिक गरेका हुन्।

पदाधिकारीमा पराजित भीम रावल, घनश्याम भुसाल, भीम आचार्य केन्द्रीय कमिटीमा भने निर्वाचित भएका छन्। तर, रावलले केन्द्रीय सदस्य पद अस्वीकार गरेका छन्।

आयोगका अनुसार अध्यक्षमा केपी शर्मा ओलीले १८३७ मत ल्याएर विजयी भएका छन् भने पराजित भीमबहादुर रावलले २२३ मत पाएका छन्।

वरिष्ठ उपाध्यक्षमा ईश्वर पोखरेल निर्विरोध भएका थिए। उपाध्यक्षमा अष्टलक्ष्मी शाक्य १९७६, युवराज ज्ञवाली १८४२, रामबहादुर थापा १७६८, सुरेन्द्र पाण्डे १९२५, सुवास नेम्वाङ १८६५ र विष्णु पौडेल १८५६ मतसहित विजयी भएका छन्। घनश्याम भुसालले ७२५ मत ल्याएर पराजित भएका छन्।

महासचिवमा शंकर पोखरेल तथा उपमहासचिवमा विष्णु रिमाल, प्रदीप ज्ञवाली र पृथ्वी सुब्बा गुरुङ निर्विरोध निर्वचित भए।

सचिवमा गोकर्ण विष्ट १९७४, छविलाल विश्वकर्मा १८०३, टोपबहादुर रायमाझी १८०४, पद्मा अर्याल १७९९, योगेश भट्टराई १९६०, रघुवीर महासेठ १५०० र लेखराज भट्ट १७०४ सहित विजयी बनेका छन्। सचिवका उम्मेदवारद्वय टंक कार्की ५५९ र भीम आचार्य ७८८ मत ल्याएर पराजित भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उपनिर्वाचनमा कांग्रेस: सत्तामा एमालेसँग सहकार्य, मैदानमा प्रतिस्पर्धा

पुटिनले पश्चिमा मुलुकलाई दिएको चेतावनीबाट नडराउने स्वीडेनको भनाइ

प्रधानमन्त्री ओलीसँग भारतीय सेनाध्यक्ष द्विवेदीको भेट