काठमाडौं- जर्मनस्थित खोपसम्बन्धी स्थायी समितिले देशका १८ वर्षभन्दा माथिका सबैलाई कोभिड–१९ खोपको बुस्टर डोज दिन सिफारिस गरेको छ।
समाचार एजेन्सी रोयटर्सका अनुसार संस्थाले मानिसहरूलाई कोरोनाको एमआरएनए भ्याक्सिनको एक डोज बुस्टर डोजका रूपमा दिनुपर्ने जनाएको हो।
यो डोज कोरोना खोप लगाएको ६ महिनापछि मात्र दिनुपर्ने बताइएको छ। कोभिड महामारीको चौथो लहरको सामना गरिरहेको जर्मनीमा पछिल्लो २४ घण्टामा ६५ हजारभन्दा बढी कोरोना संक्रमित फेला परेका छन्।
महामारी सुरु भएयता पहिलो पटक देशमा एकै दिन ६० हजारभन्दा बढी संक्रमित भेटिएका हुन्।
जर्मनीको संक्रामक रोग एजेन्सी रोबर्ट कोच इन्स्टिच्युटका अनुसार बिहीबार देशमा ६५ हजार ३७१ नयाँ कोरोना संक्रमित भेटिएका छन्।
एजेन्सीका प्रमुख लोथर वेइलरले यसलाई गम्भीर आपतकाल भनेका छन्। उनले भने, ‘हामी गम्भीर अवस्थातर्फ जाँदैछौँ, अहिले नै कदम चालेनौँ भने क्रिसमसको बेलामा स्थिति निकै खराब हुनेछ।’
उनले थपे, ‘हामीले चेतावनी दिँदै आएका छौं, तर २१ महिना बितिसक्दा पनि हाम्रो चेतावनी उपर सुनुवाइ भएन भने त्यो असहनीय छ।’
बिहीबार जर्मन चान्सलर एन्जेला मर्केलले १६ राष्ट्रका प्रमुखसँग देशमा कोरोनाको अवस्थाबारे छलफल गर्न लागेकी छन्।
भाइरस फैलिन नदिन सरकारले फेरि एकपटक कडा प्रतिबन्ध लगाउन सक्ने आकलन गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764338048.png)
-1764330652.png)
-1764329978.png)
-1764146706.png)
-1763721444.png)
-1763559424.jpg)
-1764080971.png)
