काठमाडौं- भारतको राजधानी नयाँ दिल्लीमा वायु प्रदूषणको कहर जारी छ। पञ्जाब, हरियाणा र उत्तर प्रदेशमा पराल पोल्दा, पटाका पड्काउँदा र पावर प्लान्ट एवं सवारी साधनबाट निस्कने धुँवाका कारण वायु प्रदूषण खराब बनेको बताइन्छ।
जसका कारण दिल्ली, गुडगाउँ, नोएडा, गाजियावाद र फरिदावादमा वायुको गुणस्तर लगातार खराब बन्दै गइरहेको भारतीय सञ्चारमाध्यमहरुले जनाएका छन्। बढ्दो प्रदूषण नियन्त्रण गर्न केन्द्र र राज्य सरकारले सबै कमद चालिरहेका छन्। तर, अवस्था सुध्रिन सकेको छैन।
वायुको गुणस्तर बिग्रँदै गएपछि मानिसहरू बिरामी हुन थालेका छन्। मानिसहरूले सास फेर्न गाह्रो भइरहेको र आँखा पोल्न थालेको गुनासो गर्न थालेका छन्।
यसैबीच, बढ्दो वायु प्रदूषणबीच हावा शुद्ध पार्ने ‘एयर प्युरिफायर’ को माग ह्वात्तै बढेकोबताइएको छ। भारतभरको कुल मागमध्ये ७० प्रतिशत माग दिल्लीबाट आउन थालेको समाचारमा उल्लेख छ।
त्यस्तै, देशका अन्य क्षेत्रमा समेत एयर प्युरिफायरको माग बढेको जनाइएको छ। वायु प्रदूषण कम नभए आगामी दिनमा अझै माग बढ्ने सम्भावना रहेको छ।
‘यसले देशभरका हजारौं परिवारहरूलाई अति आवश्यक राहत प्रदान गर्नेछ,’ युरेका फोर्ब्सका प्रबन्ध निर्देशक र सीईओ मार्जिन आर श्राफले पीटीआईलाई भने।
रिसर्च एण्ड मार्केटका अनुसार भारतमा हरेक वर्ष ४५० देखि ५०० करोड बराबरका एयर प्युरिफायर बिक्री हुन्छन्।
‘एयर प्युरिफायरको माग केवल दिल्लीमा मात्र सीमित छैन, छिमेकी राज्यहरू र चण्डीगढ, लुधियाना र जालन्धरलगायत सहरहरू र हरियाणाका विभिन्न क्षेत्रहरूबाट पनि माग बढेको छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764338048.png)
-1764330652.png)
-1764329978.png)
-1764146706.png)
-1763721444.png)
-1763559424.jpg)
-1764080971.png)
