प्रधानन्यायाधीश राणाको पक्षमा आन्दोलनमा उत्रिएकालाई नियन्त्रणमा लिँदै प्रहरी। फाइल तस्बिर।
काठमाडौं- प्रधानन्यायाधीश चोलेन्द्र शमशेर जबराको राजीनामा माग्दै आन्दोलनमा उत्रिएका कानुन व्यवसायी र ‘भिजिलान्ते’बीच नेपाल बार एसोसिएसन भवनको प्राङ्गणमा झडप भएको छ। त्यसक्रममा प्रहरीले तीन जनालाई पक्राउ गरेको छ।
बार प्रवेश गरेका ‘भिजिलान्ते’ले प्रधानन्यायाधीशविरुद्ध थप आन्दोलन गरे कालो कोट च्यातिदिने कानुन व्यवसायीलाई धम्की दिएपछि दुई पक्षबीच झडप भएको घटनास्थलमा रहेका नेपाल लाइभकर्मी दुर्गा दुलालले बताए।
प्रहरीले कानुन व्यवसायीलाई धम्की दिने ती तीन जना व्यक्तिहरूलाई पक्राउ गरेको छ। उनीहरूको पहिचान खुलेको छैन।
यसअघि सर्वोच्च परिसरमा प्रहरीले कानुन व्यवासायीको आन्दोलनमा बल प्रयोग गर्दा नेपाल बारका अध्यक्ष चण्डेश्वर श्रेष्ठ र सर्वोच्च अदालत बार एसोसिएसनका सचिव ऋषिराम घिमिरले घाइते भएका थिए।
बार प्रहरीले गरेको ‘दमन’विरुद्ध अन्तर्राष्ट्रिय मानवअधिकारवादी संस्थासम्म जाने चेतावनी दिइसकेको छ भने थप रणनीति बनाउन आकस्मिक बैठक बोलाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।