फाइल तस्बिर
कञ्चनपुर- जुवातास नियन्त्रणका लागि कञ्चनपुरमा प्रहरीले चलाएको अभियान प्रभावकारीरुपमा अगाडि बढ्दै आएको छ। जुवातास खेल्ने ठाउँको पहिचान गरी प्रहरीले जुवाडेलाई पक्राउ गर्ने र नगद रकम बरामद गर्नेक्रम जारी राखेको छ।
चाडपर्वका बेला प्रहरीले गस्ती टोलीलाई प्रभावकारीरुपमा परिचालन गरेकै कारण अप्रिय घटना हुन नपाएको प्रहरीको भनाइ रहेको छ।
जिल्ला प्रहरी कार्यालय कञ्चनपुरले चाडपर्वका बेलामा हालसम्म ९५ जुवाडेलाई पक्राउ गरेको छ। पक्राउ परेकालाई प्रहरीले कारवाही प्रक्रियासमेत अगाडि बढाउँदै आएको छ। जुवातासका ११ मुद्दामा आठ लाख १४ हजार ५१० रुपैयाँ रकमसमेत बरामद गरेको छ।
समाजमा विकृतिका रुपमा रहेको जुवातास नियन्त्रणका लागि अभियान निरन्तररुपमा सञ्चालन हुने प्रहरी नायव उपरीक्षक सिद्धराज न्यौपानेले बताए। उनका अनुसार शुक्रबारमात्रै भीमदत्त नगरपालिका-६ ऐठपुरबाट १० जना जुवाडे पक्राउ परेका छन्। पक्राउ परेकाको साथबाट ६२ हजार ७० रुपैयाँ रकमसमेत बरामद गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
