कञ्चनपुर- बेलौरी नगरपालिका-६ भुराकोट दशगजा सीमा क्षेत्रबाट सशस्त्र प्रहरीले सात फिट लामो अजिङ्गर उद्धार गरेर सुरक्षित ठाउँमा छोडिएको छ।
बोर्डर आउट पोस्ट थापाचोकबाट खटिएको सीमा गस्ती टोलीले अजिङ्गरेको जीवितै उद्धार गरेको सशस्त्र प्रहरी बल नेपाल नम्बर ३५ गण हेडक्वार्टर शैलेश्वरीका सशस्त्र प्रहरी उपरीक्षक वीरेन्द्रबहादुर ऐरले बताए।
उद्धार गरिएको अजिङ्गरलाई कुण्डा सबडिभिजन वन कार्यालय पचकढीयाबाट खटिआएका वन रक्षक महेन्द्र कँडेलको टोलीलाई बुझाएको छ। अजिङ्गरलाई वन रक्षकको टोलीले सुरक्षित स्थानमा छाडेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।