काठमाडौं- काठमाडौंको छुट्टाछुट्टै स्थानमा भएको घटनामा दुई जनाको मृत्यु भएको छ। दुवै घटना यहाँको गोकर्णेश्वर नगरपालिकामा भएको हो।
उक्त नगरपालिका-५ जोरपाटीस्थित सडकमा बा ६३ प ६२०४ नम्बरको स्कुटरलाई बा २ ख १३८ नम्बरको ट्याङ्करले आज ठक्कर दिँदा स्कुटर चालक सोही नगरपालिका-४ माकलबारीका ४४ वर्षीय गंगराज राईको मृत्यु भएको छ। दुर्घटनामा गम्भीर घाइते भएका उनको ओम अस्पताल चाबहिलमा उपचारको क्रममा मृत्यु भएको प्रहरी प्रधान कार्यालयले जनाएको छ।
दुर्घटनामा घाइते भएकी स्कुटरमा सवार उनकी छोरी १९ वर्षीया सुष्मा राईको सोही अस्पतालमा उपचार भइरहेको छ। ट्याङ्कर चालकलाई नियन्त्रणमा लिइ घटनाको सम्बन्धमा प्रहरीले थप अनुसन्धान गरिरहेको जनाएको छ।
गोकर्णेश्वर नगरपालिका-८ अत्तरखेलमा एक महिलाको आज सुतेकै अवस्थामा मृत्यु भएको छ। सोही ठाउँमा डेरा गरी बस्ने सङ्खुवासभा मकालु गाउँपालिका-१ घर भएकी ३५ वर्षीया सञ्जु तामाङ सुतेको ठाउँमा मृत फेला परेको प्रहरीले जनाएको छ। घटनाको अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764475237.jpeg)
-1764146706.png)
-1763721444.png)
-1763559424.jpg)
-1764080971.png)
