प्रतीकात्मक तस्बिर
पाँचथर– बाढीले बगाएर एक सातादेखि बेपत्ता भएका एक व्यक्तिको शव फेला परेको छ। मोटरसाइकलमा घर फर्कने क्रममा स्थानीय मालुवा खोलामा आएको बाढीले बगाएर बेपत्ता बनेका पाँचथरको फिदिम नगरपालिका–६ सिवाका प्रेम आलेमगरको शव सोमबार परेको हो।
मालुवामा आएको बाढीले उनीसहित उनकी भतिजी सम्पदा आलेमगरलाई बगाई बेपत्ता बनाएको थियो । स्थानीयवासी र प्रहरीले खोजी जारी राखेकामा सम्पदाको शव तीन दिनअघि यहाँको शिवाखोलामा फेला परेको थियो। प्रेमको शव पनि शिवाखोलामै फेला परेको जिल्ला प्रहरी कार्यालय पाँचथरले जनाएको छ।
यससँगै पाँचथरमा बाढीपहिरामा परी कारण ज्यान गुमाउनेको संख्या ३१ पुगेको छ। बाढीपहिरामा परी अझै तीन बेपत्ता छन्। उनीहरु सबै मिक्लाजुङ गाउँपालिकाका हुन्।
बेपत्ताको खोजीका लागि प्रहरीको तालिमप्राप्त कुकुर झिकाएको छ। तालिमप्राप्त कुकुरसहितको टोली सोमबार मिक्लाजुङ–४ रबि आइपुगेको र आजदेखि खोजी सुरु हुने जिल्ला प्रहरी कार्यालय पाँचथरका प्रहरी निरीक्षक डम्बर विश्वकर्माले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764475237.jpeg)
-1764146706.png)
-1763721444.png)
-1763559424.jpg)
-1764080971.png)
