कास्की– बालबालिकाविरुद्ध कसुर गरेको अभियोगमा प्रहरीले पोखराबाट एक जना विदेशी नागरिकलाई पक्राउ गरेको छ। पोखरा महानगरपालिका–६ लेकसाइडबाट ४४ वर्षीय क्यानेडियन नागरिक रोवर्ट किन्क्लेलाई प्रहरीले पक्राउ गरेको हो।
शनिबार तीन बालकलाई साथमा राखी यौनजन्य गतिविधि गर्दै गरेका अवस्थामा उनलाई पक्राउ गरी नाबालकको उद्धार गरिएको जिल्ला प्रहरी कार्यालयका प्रवक्ता एवं प्रहरी नायब उपरीक्षक सुवास हमालले बताए।
नाबालकलाई ललाइफकाइ, डरत्रास, धाकधम्की तथा विभिन्न प्रलोभनमा पारी लामो समयदेखि यौनजन्य गतिविधि गर्दै आएको भन्ने सूचनाका आधारमा जिप्रकाबाट खटिएको प्रहरी टोलीले उनलाई पक्राउ गरेको जनाएको छ।
अभियुक्तलाई जिल्ला अदालतबाट अप्राकृतिक मैथुन तथा बालबालिकाविरुद्धको कसुरमा सात दिन म्याद थपको अनुमति लिई घटना सम्बन्धमा अनुसन्धान कार्य अघि बढाइएको प्रनाउ हमालले जानकारी दिए।
उनको साथबाट ल्याप्टप एक थान, मोबाइल एक थान, राहदानीसहित सामग्री फेला पारिएको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764475237.jpeg)
-1764146706.png)
-1763721444.png)
-1763559424.jpg)
-1764080971.png)
