डडेलधुरा- डडेलधुरामा अविरल वर्षासँगै आएको पहिरोका कारण अवरुद्ध बनेको भीमदत्त राजमार्ग सञ्चालनमा आएको छ।
राजमार्गअन्तर्गत कैलालीको चुरे गाउँपालिकाको भासु भीरमा आएको पहिरो पन्छाइए पनि डोटीको गोल्डेन र डडेलधुराको साहुखर्कमा अवरोध भएका कारण राजमार्ग खुलेको थिएन।
बुधबार वर्षा बन्द भएपछि निरन्तर डोजर लगाएर पहिरो पन्छाएपछि अहिले राजमार्ग पूर्णरूपमा खुलेको प्रदेश ट्राफिक कार्यालय अत्तरियाले जनाएको छ। अत्तरियादेखि डडेलधुरासम्म अब कुनै अवरोध छैन।
पहिरो गएको ठाउँ-ठाउँमा नयाँ ट्र्याक खोलेर राजमार्ग सञ्चालन गरिएको जिल्ला प्रहरी कार्यालय डडेलधुराले जनाएको छ। बाटो खुलेपछि तीन दिनदेखि अलपत्र परेका सयौँ सवारीसाधन गन्तव्यतर्फ गएको प्रमुख जिल्ला अधिकारी मोहनराज जोशीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
