लमजुङ– बडादशैंको अवसरमा दूधपोखरी गाउँपालिका–२ मा स्वास्थ्य शिविर सञ्चालन गरिएको छ। नेपाल चिकित्सक संघका सहकोषाध्यक्ष डा विश्वराज दवाडीको आयोजनामा सम्पन्न तीन दिने निःशुल्क स्वास्थ्य शिविरमा झण्डै ५ सय जनाको स्वास्थ्य परीक्षण भएको छ। शिविरमा डा दवाडीसँगै डा खिलास दवाडीले बिरामीको परीक्षण गरेका थिए।
ग्रामीण भेगमा स्वास्थ्य सेवाको पहुँच अझै विस्तार हुन नसक्दा विभिन्न रोगको समस्या जटिल रहेकाले आफूले व्यक्तिगत तबरबाट पनि यस खालका शिविर सञ्चालन गर्दै आएको डा दवाडीले बताए।
गाउँमै अस्पताल नहुँदा विभिन्न स्वास्थ्य समस्याबाट ग्रस्त रहेका स्थानीयवासीले स्वास्थ्य परीक्षण तथा औषधि निःशुल्क रुपमा प्राप्त गर्दा धेरैले राहतको अनुभव गरेको बताउँदै उनले बर्सेनि यस किसिमका शिविर सञ्चालन गर्ने बताए।
निजी स्रोतबाट बिरामीलाई झण्डै १५ लाख रुपैयाँबराबरको औषधिसमेत निःशुल्क वितरण गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
