सुदूरपश्चिम– सुदूरपश्चिम प्रदेशका विभिन्न स्थानमा भएको सडक दुर्घटनामा परी असोज २१ देखि २९ गतेसम्म नौ जनाको ज्यान गएको छ।
सोही अवधिमा विभिन्न जिल्लामा भएको दुर्घटनामा १७ गम्भीर र छ जना सामान्य घाइते भएको सुदूरपश्चिम प्रदेश ट्राफिक प्रहरी कार्यालय अत्तरियाका प्रहरी निरीक्षक राजेन्द्रबहादुर सिंहले बताए। सो अवधिमा यस प्रदेशमा १५ सवारीसाधन दुर्घटनामा परेको उनले जानकारी दिए।
दुर्घटनामा पर्ने सवारी साधनमा सबैभन्दा बढी सवारी साधन मोटरसाइकल ११ छन् । यस्तै जिप, कार दुई, ट्र्याक्टर एक र बस एक दुर्घटना भएको सिंहले बताए।
चाडपर्वका समयमा गन्तव्यमा पुग्न सार्वजनिक सवारी समयमा नपाउनाले आफ्नै साना सवारीमा यात्रा गर्नेहरू बढी दुर्घटनामा परेको जनाइएको छ।
साथै दसैँका समयमा गन्तव्यमा समयमै पुग्न हतारो हुने र यातायात सञ्चालकले पनि जथाभावी यात्रु चढाउने, सवारीको क्षमताभन्दा बढी यात्रु राख्ने, हतारोका कारण सवारीको प्राविधिक अवस्था नजाँच्नेजस्ता कारणले दुर्घटना भएको पाइएको ट्राफिक प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
