मकवानपुर- हेटौँडा-कुलेखानी-काठमाडौं सडकखण्डअन्तर्गत इन्द्रसरोबर गाउँपालिका वडा नं. २ लामिबगरमा आज दिउँसो करिब ३:३० बजे काठमाडौंबाट वीरगञ्ज जाँदै गरेको ना १ ज ४५११ नम्बरको सुमो जीप अनियन्त्रित भइ दुर्घटना हुँदा दुई जनाको मृत्यु भएको जिल्ला प्रहरी कार्यालय मकवानपुरले जनाएको छ।
सो दुर्घटनामा चालकसहित १० जना घाइतेलाई प्रहरीले उद्धार गरी चार जनालाई हेटौँडा अस्पतालमा, चार जनालाई काठमाडौं सानेपाको स्टार हस्पिटलमा र दुई जना पाटन अस्पतालमा उपचारको लागि लगिएको प्रहरीले जनाएको छ।
घाइतेमध्ये पाटन अस्पतालमा उपचारको क्रममा दुईजनाको मृत्यु भएको जिल्ला प्रहरी कार्यालय मकवानपुरले जानकारी दिएको छ। मृतकहरुको अहिलेसम्म सनाखत भइसकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।