कास्की– दशैं सुरु भएपछि पोखराको याम्दी र सिम्पानीमा हिमाली च्यांग्रा आउन सुरु हुन्छ। पोखरा–बाग्लुङ राजमार्गको सिम्पानीबाट हेमजाको विभिन्न स्थानमा च्यांग्राको हुल बिक्रीका लागि राखिएको हुन्छ। च्यांग्रा खरिद–बिक्रीको मेला लाग्छ।
व्यवसायीले मुस्ताङ, डोल्पा, रोल्पा, बैतडी, बझाङलगायतका जिल्लाबाट दुई– तीन साता लगाएर हिँडाएर च्यांग्रा बिक्री गर्न पोखरा ल्याइ पुर्याउँछन्। बजारमा च्यांग्रा देखिन थालेसँगै सर्वसाधारणमा दशैं आएको छनक आउँछ। हिमाली चिसो मौसममा हुर्केका, जडीबुटी खाएकाले च्यांग्र्राको मासु दशैंमा उपभोक्ताको विशेष रोजाइमा पर्छ। स्वादिलो हुने भएकाले सकभर दशैंमा धेरैको भान्सामा च्यांग्राको मासु पाक्छ। पोखरालगायत यस क्षेत्रमा बढी रुचाइएको च्यांग्राको भाउ भने यस वर्ष आकाशिएको छ। व्यापारीले रोज्जा च्यांग्राको मूल्य रु ५० हजारसम्ममा बिक्री गरेका छन्।
मासु प्रतिकेजी रु दुई हजारदेखी रु दुई हजार ५०० सम्म मूल्य पर्ने गरेको छ। गत वर्षको तुलनामा २० देखि २५ प्रतिशतसम्म मूल्यवृद्धि भएपछि सामान्य र मध्यम आर्थिक अवस्थाका उपभोक्ताले भने खरिद गर्न सक्ने अवस्था छैन। च्यांग्राको मूल्य आकाशिएपछि उपभोक्ताको रोजाइ अहिले खसीबोकामा छ। अधिकांशले दशैंका लागि गाउँघरमै स्थानीय खसीबोका व्यवस्था गरेका छन्।
पोखरा–१४ चाउथेस्थित खसीबजारमा एक साताअघिदेखिबाटै ग्राहकको भीड बढेको छ। यस क्षेत्रको मुख्य बजार भएकाले यहाँ धेरै ठाउँबाट ग्राहक आउने गर्दछन्। विगतमा दशैंमा च्यांग्रा खानेहरु यस वर्ष खसीबोकाको व्यवस्था गरेका छन्। पोखरा–११ फूलबारीका नवराज पौडेलले यस वर्ष च्यांग्राको मूल्य छोइसक्नु नभएकाले दशैंका लागि स्थानीय खसीको व्यवस्था गरेको बताए।
कोरोनाका कारण होटल रेष्टुरेन्ट र पार्टी प्यालेस बन्दा हुँदा व्यवसाय नराम्रोसँग प्रभावित भएकामा दशैंमा बजार राम्रो हुँदा खसीबोका व्यवसायी उत्साहित भएका छन्। बजारमा २१ खसीबोका बिक्री गर्ने पसल छन्।
जिउँदो खसी प्रतिकेजी रु ६०० देखि ६४५ सम्ममा यस वर्ष बिक्री गर्ने गरिएको छ। विगतमा भारतीय बजारबाट समेत पोखरामा खसीबोका आयात हुँदै आएकामा गएको एक वर्षदेखि रोकिएको छ। अहिले नेपालकै उत्पादनले बजार धान्ने गरेको उहाँ बताउनुहुन्छ। व्यवसायीले विशेषगरी पाल्पा, नवलपरासी, सुर्खेत, तनहुँ, स्याङ्जा र दाङलगायतका जिल्लाबाट खसी ल्याउने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764492941.png)
-1764146706.png)
-1763721444.png)
-1763559424.jpg)
-1764080971.png)
