काठमाडौं– ३८ सय किलो सुन तस्करीको आरोपमा पक्राउ परेका अभियुक्तहरुको बयान लिन जिल्ला अदालत मोरङले सुरु गरेको छ।
अदालतमा पेश भएका प्रतिवादीहरुको बयान समाप्त भएपछि एक न्यायाधीशको इजलाशमा उनीहरुको मुद्दाको पेशी तोकि थुनछेक बहस सुरु हुने छ।
सरकारी वकिलको कार्यालय मोरङले बुधबार बहालवाला एसएसपी, अन्य प्रहरीका उच्च अधिकारीलगायत ६३ जना विरुद्ध सुन तस्करी र संगठनिक अपराधमा मुद्दा दायर गरेको थियो। मिलेमतोमा सुन तस्कर गर्ने ‘गोरे समुह’ले त्रिभुवन विमानस्थलबाट हालसम्म ३८ सय किलो सुन तस्करी गर्दै १७ अर्ब १ करोड ८० लाख रुपैयाँ राज्यलाई नोक्सान पुर्याएको दावी गरिएको छ।
सरकारी वकिलको कार्यालयले उक्त रकम विगोको रुपमा उनीहरुसँग असुल हुनुपर्ने माग–दावी गर्दै जिल्ला अदालत मोरङमा मुद्दा दायर गरेको थियो।
प्रहरीको एक महिना लामो अनुसन्धानपछि बुधबार जिल्ला सरकारी वकिलको कार्यालयले बाहलवाला प्रहरी अधिकृतसहित २९ जनालाई पक्राउ गरि आरोप–पत्रसँगै आदालतमा पेस गरेको थियो। पहिलो चरणमा अदालतमा पेस भएका प्रतिवादीहरुको बयान र थुनछेक हुने मोरङ जिल्ला अदालतका श्रेष्तेदार नवराज दुलालले बताए। उनीहरुको बयान समाप्त गरि थुनछेक आदेश गर्न करिब १ महिनासम्म लाग्ने देखिन्छ।
को–को छन् फरार?
त्रिभुवन विमानस्थलबाट भएको ३३ किलो सुन तस्करी प्रकरण र त्यससँगै जोडिएको शनम शाक्य हत्या काण्डपछिको अनुसन्धानमा प्रहरीले ६३ जनालाई अभियोग लगाएको छ। जसमध्ये २९ जना पक्राउ परेका छन् भने ३४ जना फरार छन्।
सुन तस्करीका मुख्य नाइके गोरेसहित सुरेन्द्र गौतम, भोजराज भण्डारी, रुस्तम भनिने मोहमद उस्तम मियाँ, टुकबहादुर मगर, रोहित आचार्य, भविन राई भनिने भविन तामाङ, कृष्ण बस्नेत फरार छन्।
यस्तै, मामा भनिने मोहनकुमार अग्रवाल, डेविट डा भनिने छिरिङ वाङ्गेल घले, बहुला भनिने सुनिलकुमार अग्रवाल, कालुरकालेरकिसन उपनाम भएका कृष्णगोपाल अग्रवाल, रमेश उप्रेती, चेतन भनिने बाजेको सेकुवाका मालिक चेतनाथ भण्डारी, प्रमोदकुमार श्रेष्ठ, बेनु श्रेष्ठ, हरिशरण खड्का, निरु भनिने नर्वदा खरेल, प्रयास पराजुली, कमल कार्की, सञ्जय अधिकारी पनि फरार छन्।
यसैगरी, शिवकुमार गुभाजु, समिर अधिकारी, मणिराज चौलागाई, सुनिल श्रेष्ठ, आरबी उपनामका रक्षा भण्डारी, अर्जुनप्रसाद खरेल, रोशन भुसाल भनिने गुप्तलाल भुसाल, माधव आचार्य, ओम प्रकाश नेवार, रामहरि कार्की, गीता श्रेष्ठ, श्यामबहादुर खत्री र अमर भनिने अम्बरबहादुर थापा मगर फरार अभियुक्तको सूचीमा छन्।
पहिलो चरणमा बयान र थुनछेक हुनेहरु
एसएसपी दिवेश लोहनी, टेकराज मल्ल ठकुरी, मोहन काफ्ले, कृष्ण भनिने नरेन्द्र कार्की, माधव भनिने मदनप्रसाद घिमिरे, लाक्पा शेर्पा, चाचाजी उपनामका महावीरप्रसाद गोल्यान, राजन थापा, हेमन्त गौतम, सम्वीरप्रसाद तोलाङ्गे, कपिलराज पुरी, बालकृष्ण श्रेष्ठ, राजेन्द्रकुमार शाक्य, दोराम खत्री, एलबी भनिने लालबहादुर मगर, तक्ले उपनामका पुण्यप्रसाद लामा तामाङ, चन्दन भनिने वीरेन्द्रमान श्रेष्ठ, राप्रपा प्रजातान्त्रिकका नेता भुजुङ गुरुङ, गोपालकुमार श्रेष्ठ, राजु महर्जन, अमरमान डंगोल, तुलाराम थारु, राजन कुमार र विष्णुबहादुर खड्का।
सुन तस्करी प्रकरणसँग जोडिएका थप समाचार-
सुन तस्करसँग कुन प्रहरीले कति रकम लिए? (विवरणसहित)
गोरे समूहले मात्रै ३८ सय केजी सुन तस्करी गरेको खुलासा, यी हुन् ३४ फरार अभियुक्त
सुन तस्करीमा संलग्न प्रहरीलगायतका अभियुक्तलाई भ्रष्टाचार र सम्पत्ति शुद्धिकरण मुद्दा पनि चल्ने
३३ किलो सुन प्रकरण : ६३ जनाविरुद्ध मुद्दा दर्ता, ३४ जना फरार
३३ केजी सुन प्रकरणः २८ औं अभियुक्त बने डिएसपी केसी
३३ किलो सुन तस्करीमा अर्का प्रहरीविरुद्ध पनि मुद्दा
३३ केजी सुन तस्करी प्रकरणः बाजेको सेकुवाका सञ्चालकविरुद्ध पनि मुद्दा दायर
३३ किलो सुन तस्करी प्रकरण : एसएसपीका चालक पक्राउ, छानबिन समिति विराटनगरमा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
