काठमाडौं- अनलाइन लगानीकर्ताको सक्रियतासँगै शेयर बजारमा दोहोरो अंकको सुधार देखिएको छ। आइतबार र सोमबार कारोबार सुरु हुनासाथ शेयर बजार हरियो देखिएको थियो। बजार हरियो देखिने बित्तिकै घरबाटै अनलाइन कारोबार गर्ने लगानीकर्ता हौसिँदा बजार बढेको एक ब्रोकरले बताए। बजार सुधार हुने कुनै ठोस कारण छैन तर बजार हरियो देखिएपछि घरमा बसेका लगानीकर्ताले शेयरको माग बढाएका हुन्। एक ब्रोकरले भने, 'अनलाइन लगानीकर्ताहरु अलि बढी इमोसनल हुन्छन्। बजारको रङअनुसार आफ्नो लगानीको रणनीति तय गर्छन्।'
अधिकांश ब्रोकरमा केहीमात्रै कर्मचारी छन्। चिनेका नियमित कारोबार गर्ने लगानीकर्ताको फोनबाटै कारोबार गरे पनि अधिकांशले आफैं खरिद बिक्रीको लागि आदेश दिने गरेका छन्। अनलाइनबाट हुने कारोबार सुरक्षित हुने भएकाले फोनबाट भन्दा अनलाइनबाटै खरिद बिक्री गर्न सल्लाह दिने गरिएको एक ब्रोकरले जानकारी दिए।
अनलाइनबाट कारोबार हुँदा शेयर खरिद गर्नेले अनलाइन बैंकिङ मार्फत् भुक्तानी गर्ने र शेयर बिक्री गरेकालाई पनि अनलाइनबाटै लगानीकर्ताको खातामा पैसा पठाउने गरिएको ब्रोकरहरु बताउछन्।
स्थानीय प्रशासनले कोभिड १९ को नियन्त्रणका लागि निषेधाज्ञा जारी गरेको छ। यस अवस्थामा कोही पनि घर बाहिन जान सक्ने स्थिति छैन। त्यसैले गर्दा लगानीकर्ताको सक्रियता अत्याधिक बढेको हो। समग्र अर्थतन्त्र नै थिलथिलो पारिरहेको बेलामा शेयर बजार भने चम्किनुको प्रमुख कारण विगत लामो समयदेखि कारोबार गर्ने लगानीकर्ताको बढ्दो सक्रियता नै हो।
पुराना लगानीकर्ता तथा केही समय अगाडिदेखि बढ्दो बजारको अपेक्षा गरिरहेका लगानीकर्ता नेप्सेमा हरियो रङ कुरेर बसिरहेका छन्।
यसै सन्दर्भमा सोमबार नेप्से सूचक २१.११ अंकले सुधार भएर १४३१.४५ अंकमा रोकिएको छ। तीन कारोबार दिनमा ३८ अंकको सुधार देखिएको छ। केही दिन बजार बढ्छ भन्ने अपेक्षामा शेयर खरिद गर्नेछन्। तत्काल केही नाफा देखिनेबित्तिकै बिक्री हुन थालेपछि पुनः बजार पहिलाकै अवस्थामा आउने विश्लेषकहरु बताउछन्।
अहिलेका लगानीकर्ता बढ्दो बजारमा मौका छौप्न छिर्ने भएकाले थोरैमात्रै करेक्सन देखिनेबित्तिकै नाफा बुक गर्न हतारिन्छन्। यसले गर्दा जसरी बजार बढ्छ त्योभन्दा धेरैलै बजार घट्छ। यसले गर्दा संयमित भएर कारोबार गर्नेहरु मात्रै जोगिन सक्छन्।
सूचकमा सुधार देखिएसँगै सोमबार २ अर्ब १३ करोड रुपैयाँको कारोबार भएको छ। जम्मा १८२ वटा कम्पनीको कारोबार हुँदा १३९ वटा कम्पनीको मूल्यमा सुधार आएको छ भने १५ वटाको घटेको छ। मूल्य घट्नेमा जलविद्युत कम्पनी र फाइनान्सहरू बढी छन्। केही समयअघि नेपाल राष्ट्र बैंकको मौद्रिक नीतिका कारण घटेका माइक्रोफाइनान्सहरु पुनः बढ्न थालेको छ। माइक्रोफाइनान्सको सूचक सोमबारमात्रै २.३४ प्रतिशतले उकालो लागेको छ। होटलको बाहेक सम्पुर्ण सूचक तथा उपसूचकमा सुधार देखिएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
