सजिलो मिल्सबाट अनलाइन फुड डेलिभरी शुरु हुँदै

कर्पोरेट

नेपाल लाइभ सोमबार, साउन १९, २०७७ १८:०८

काठमाडौं- सजिलो मिल्स प्रालिले खानेकुराको अनलाइन डेलिभरी सुरु गर्ने भएको छ। सोमबार एक विज्ञप्ति जारी गर्दै सजिलो मिल्सले अनलाइन फुड डेलिभरी सुरु गर्न लागिएको जानकारी दिएको हो। कम्पनीले २० गते मंगलबारबाट आफ्नो कारोबार संचालन गर्ने कम्पनीका संचालक रमेश कुमार भट्टराईले जानकारी दिए।

कम्पनीले पहिलो चरणमा काठमाडौं उपत्यकाभित्र संचालनमा रहेका रेस्टुरेन्टहरुमा तैयार खाना ग्राहकको स्वाद, इच्छा र रोजाई अनुसार अर्डर गरेको एक घण्टामा घरमा पुर्‍याउने लक्ष्य लिएको छ।

हाल सम्म ३५ वटा रेस्टुरेन्टसँग यस सम्बन्धी संझौता भइसकेको कम्पनीले जानकारी दिएको छ। दोस्रो चरणमा घरमा तैयार हुने सस्तो, गुणस्तरीय र घरेलु स्वादको खाना अफिस, कार्यालय र कर्पोरेट हाउसमा पुर्‍याउने योजना कम्पनीको छ।

घरमा तैयार हुने खानाको लागि उपत्यका भित्र पाँच-पाँच जना महिलाको समूह बनाई पच्चिस स्थानमा खाना बनाउने केन्द्र पब्लिक प्राइभेट पार्टनरसिपमा तैयार गरिनेछ। उनीहरुलाई आवश्यक सामाग्री, तालिम र अरु सुविधा उपलब्ध गराएर रोजगारी सिर्जना गर्ने कम्पनीको योजना रहेको बताइएको छ।

अस्ट्रेलिया र क्यानाडाबाट फर्केका चार्टर्ड एकाउन्टेन्ट रविराज भट्टराई र इकमर्स विशेषज्ञ डा. सुनिलसिंह सिंजापती तथा लन्डनमा व्यवसाय गरी फर्केका होटल व्यवसायी विष्णु बहादुर कार्की र बैंकर/बीमा व्यवसायी रमेश कुमार भट्टराईको संयुक्त लगानी छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गिरिजाप्रसाद कोइराला अन्तर्राष्ट्रिय क्रिकेट रंगशाला निर्माणमा सरकारले ध्यान दिनुपर्छ: प्रचण्ड

यू–१९ महिला विश्वकप : टस हार्दै नेपालले पायो ब्याटिङको निम्तो

करको बक्यौता उठाउन घरघरमा पत्र