एजेन्सी- स्मार्ट फोनले कम विकसित मुलुकका महिलाहरूको सशक्तिकरणमा ठूलो सहयोग पुग्ने गरेको एक अध्ययनले देखाएको छ।
पछाडि परेका महिलाहरूको सशक्तिकरणका लागि स्मार्ट फोन निकै प्रभावकारी साधन भएको अध्ययनको निष्कर्ष छ।
म्याकगिल विश्वविद्यालय, अक्स्फोर्ड विश्वविद्यालय र बोकोनी विश्वविद्यालयका अनुसन्धानकर्ताहरूले गरेको अनुसन्धानबाट यस्तो निचोड निकालिएकाे हाे।
स्मार्ट मोबाइल फोनका कारण महिलाहरूमा बहुआयामिक विकास भएको र उनीहरूको अवस्थामा सुधार आएको अध्ययनले देखाएको छ।
गरिबी न्यूनीकरण, स्वास्थ्य सुधार र लैंगिक समानताका लागि पनि स्मार्ट फोनले सहयोग पुर्याएको अध्ययनकर्ताहरूले बताएका छन्।
अध्ययनका क्रममा एक लाख महिलासँग अन्तरक्रिया गरिएको थियो। उनीहरू अङ्गोला, ब्रुरून्डी, इथियोपिया, मालावी, तान्जानिया, युगाण्डा र जिम्बाबेका रहेका छन्। अध्ययनकर्ताहरूले गत सन् १०१५ देखि २०१७ सम्म अध्ययन गरेका हुन्।
स्मार्ट मोबाइल फोन प्रयोग नगर्नेभन्दा प्रयोग गर्ने महिलाहरू निर्णायक भूमिकामा हुने पाइएको छ।
अध्ययनकर्ताहरूका अनुसार स्मार्ट फोन प्रयोग गर्ने महिलाहरूले आफ्नो मोबाइल सेटको अभावमा पनि यसलाई चलाउने ज्ञान प्राप्त गर्ने गरेको र यसका कारण पुरूषहरूको तुलनामा उनीहरूमा प्रविधिको ज्ञान स्वभाविक रूपमा कमी रहेको जानकारी दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785588615.png)
-1764146706.png)
