काठमाडौं–भारतीय सवारी डिलरहरूको संस्था फेडेरेसन अफ अटोमोबाइल डिलर्स एसोसिएसन (फाडा)ले तत्काल वित्तीय सहयोग उपलब्ध गराउन प्रधानमन्त्री नरेन्द्र मोदीलाई आग्रह गरेको छ। मोदीलाई पत्र लेख्दै फाडाले देश लकडाउनको अवस्थामा रहेकाले व्यवसाय ठप्प रहेको हुँदा सरकारबाट वित्तीय सहयोगको अपेक्षा गरेको जनाएको छ।
मार्चमा भारतको सवारी बिक्री हालसम्मकै खराब अवस्थाबाट गुज्रिरहेको तथ्याङ्क छ। केही महिनादेखि सवारी बिक्री ऋणत्मक थियो। लकडाउनका कारण सवारी बिक्री झनै निरासाजनक भएको फाडाले जनाएको छ।
२०२० मार्चमा भारतको आन्तरिक बजारमा कार बिक्री गत वर्षको तुलनामा ५१ प्रतिशतले घटेर १ लाख ४३ हजार १४ मा सीमित भएको छ। यो तथ्याङ्क सोसाइटी अफ इण्डियन अटोमोबाइल म्यानुफ्याक्चरर्सले उपलब्ध गराएको हो।
यो बिक्री गिरावट १९९७ /९८ यताकै धेरै हो। भारतमा सोही वर्षदेखि सवारी उद्योगको डाटा व्यवस्थित रूपमा राख्न थालिएको थियो।
फाडाले प्रधानमन्त्रीलाई पठाएको पत्रमा बैंक तथा बित्तीय संस्थाबाट लिइएका सबै वर्गका कर्जाको ब्याज छुट दिन भनिएको छ। यो छुट लकडाउन अवधिभरका लागि लागू हुनुपर्ने मागसमेत गरिएको छ। फाडामा भारतभर रहेका १५ हजार डिलरहरूको आबद्धता छ।
फाडाले प्रधानमन्त्री मोदीका साथै वित्तमन्त्री निर्मला सीतारमण र यातायात मन्त्री नितिन गडकरीलाई समेत पत्र दिएको जनाएको छ।
फाडाका अनुसार १५ महिनादेखि भारतको अटो बजार मन्द छ। यो अवधिमा सवारी बिक्री नभएकै कारण २ सय ८५ डिलर बन्द भएका छन्। यसले कयौं बेरोजगार भएका छन्। अहिलेको अवस्थाले अझै धेरै डिलर बन्द हुने र हजारौंले रोजगारी गुमाउन सक्ने फाडाका अध्यक्ष आशीष हर्षराजको भनाइ छ।
साना लगानी तथा पारिवारिक व्यवसायीको बाहुल्यता रहेको संस्थालाई सरकारले सम्बोधन नगर्ने हो भने संकटमा पर्नेतर्फ फाडाले सचेत गराएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
