काठमाडौं–नेपाली काँग्रेसका केन्द्रीय सदस्य एवं नेपाली जनसम्पर्क समिति समन्वय विभाग प्रमुख गोविन्द भट्टराईले काँग्रेससँग आबद्ध विदेशस्थित नेपाली जनसम्पर्क समितिका अध्यक्ष तथा संयोजकसँग विदेशमा रहेका नेपालीको स्वास्थ्य अवस्थाका बारेमा भिडियो कन्फ्रेन्समार्फत् छलफल गरेका छन्।
२६ देशका जनसम्पर्क समितिका अध्यक्ष तथा संयोजकले भाग लिएको उक्त छलफलमा विश्वभर रहेका नेपालीमा कोभिड–१९ बाट सिर्जित विभिन्न समस्या र तिनका समाधानका बारेमा छलफल भएको पार्टी कार्यालयले जनाएको छ।
संयोजक भट्टराईले विदेशमा रहेका नेपालीको समस्याका सम्बन्धमा काँग्रेस गम्भीर र संवेदनशील रहेको बताउँदै विदेशमा रहेका नेपालीलाई सचेत गराउँदै जनसम्पर्क समितिले सहयोग गरिरहेको भूमिका प्रशंसनीय रहेको उल्लेख गरेका थिए। उनले वर्तमान जटिल परिस्थितिमा जनसम्पर्क समितिका पदाधिकारी र सदस्यलाई एकताबद्ध भएर काम गर्नसमेत आग्रह गरेका थिए।
जनसम्पर्क समितिका अध्यक्षहरुले आ–आफ्नो देशमा भएका समस्याका बारेमा अवगत गराउनाका साथै छलफल अत्यन्त महत्वपूर्ण भएकाले निरन्तरता दिनुपर्नेमा जोड दिएका थिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1700407943.jpg)
