अमेरिकामा काेराेनाबाट २४ घन्टामा १,८०० को मृत्यु

कोरोना अपडेट

नेपाल लाइभ बुधबार, चैत २६, २०७६ १५:१८

न्युयाेर्क- कोरोना भाइरसका कारण अमेरिकामा पछिल्लाे २४ घन्टामा १,८०० मानिसले काेरोना भाइरसका कारण ज्यान गुमाएका छन्। योसँगै अमेरिकामा कोरोना भाइरसका कारण ज्यान गुमाउनेको संख्या १३ हजार नजिक पुगेको छ।

संक्रमितको संख्या ४ लाख ५ सय नाघेको छ। अमेरिकाको कोरोनाकाे केन्द्र बनेकाे न्युयोर्क राज्यमा मृतकको संख्या ५ हजार ४ सय ८९ पुगेको छ। न्युयोर्क सिटीमा संक्रमितको संख्या ७६ हजार ८७६ पुगेको छ। जसमध्ये क्वीन्समा संक्रमितको संख्या २४ हजार ८ सय ४० रहेको छ।

ब्रोंक्समा १५ हजार ३४८, म्यानहटनमा ११ हजार १२, बु्रकलिनमा २० हजार ८७९ जनामा संक्रमण पुष्टी भएको छ। लङ आइल्याण्डका नासु र सफल्क काउन्टीमामात्र संक्रमितको संख्या ३१ हजार नाघेको छ। न्युयोर्क सिटीमा अस्पतालमा भर्ना हुनेहरुको संख्या पनि झण्डै २० हजार पुगेको छ। न्युयोर्क राज्यमा संक्रमित हुनेहरुमा महिलाको तुलनामा पुरुषहरु बढी रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सेयर बजारले २७ सय नाघ्यो,कारोबारमा वृद्धि

असत्य खबरका कारण परिवारमा विग्रह हुन थाल्यो :मन्त्री गुरुङ

छरिएका स्वास्थ्य सहयोग कार्यक्रमलाई स्वास्थ्य बीमा बोर्डअन्तर्गत ल्याएर कार्यान्वयन गरौँः स्वास्थ्यमन्त्री