एजेन्सी–अमेरिकी राष्ट्रपति डोनाल्ड ट्रम्पले विश्व स्वास्थ्य संगठनप्रति आक्रोस पोखेका छन्। मंगलबारको प्रेस ब्रिफिङमा ट्रम्पले विश्व स्वास्थ्य संगठन (डब्लुएचओ) प्रति चीनलाई मात्र हेरेको आरोप लगाएका हुन्।
‘विश्व स्वास्थ्य संगठन अधिकतम पैसा अमेरिकासँग लिन्छ तर चीनलाई केन्द्रमा राख्छ ’ ट्रम्पले भने, ‘विश्व स्वास्थ्य संगठनले चीनसँग नाका खोल्न दिएको सुझाव म अस्वीकार गर्दछु।’
ट्रम्पले कोरोना भाइरसका कारण अफ्रिकी मूलका अमेरिकी नागरिकको धेरै मृत्यु भएकोप्रति चिन्ता व्यक्त गरेका छन् । अन्य नश्लीय समूहको भन्दा धेरै मृत्यु उनीहरुको भएकोप्रति उनले चिन्ता व्यक्त गरेका छन्। उनले न्युयोर्क, न्युजर्सीलगायत सहरले कोरोना भाइरस नियन्त्रणका लागि गरेको प्रयासको प्रशंसा गरे। उनले कोरोना भाइरसको खोपको खोजीमा रहेका वैज्ञानिकहरुप्रति पनि धन्यवाद दिए। वैज्ञानिकहरुको खोज छिट्टै पूरा हुने भन्दै उनले प्रयास जारी राख्न आग्रह गरे।
बेलायतलाई २०० भेन्टिलेटर उपलव्ध गराउने
नियमित प्रेस व्रिफिङमा ट्रम्पले कोरोनासँग जुधिरहेको बेलायतलाई २०० थान भेन्टिलेटर सहयोग गर्ने घोषणा गरे। बेलायतमा भेन्टिलेटर अभाव रहेको र समकक्षीबाट सहयोग माग भएको भन्दै ट्रम्पले यस्तो घोषणा गरेका हुन्। जोन हप्किन्स विश्वविद्यालयको तथ्याकअनुसार हाल अमेरिकामा कोरोना भाइरसका कारण १२ हजार मानिसले ज्यान गुमाइसकेका छन् । हाल अमेरिकामा ४ लाख संक्रमित रहेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
![Nepal Live Samachar नेपाल लाइभ समाचार, जेठ २९ [भिडियाे]](https://nepallive.net/uploads/posts/500X300/samachar++-299-1718118150.jpg)
![Nepal Live Samachar नेपाल लाइभ समाचार, जेठ २७ [भिडियाे]](https://nepallive.net/uploads/posts/500X300/samachar++-1717941479.jpg)
