काठमाडाैं- संघीय संसद सचिवालयले नेपाल सरकारले स्थापना गरेको कोरोना भाइरस संक्रमण रोकथाम, नियन्त्रण तथा उपचार कोषमा १ करोड बढी रकम जम्मा गरेको छ। सचिवालयले महालेखा नियन्त्रकको कार्यालयमार्फत् आज १ करोड १ लाख ३२ हजार ८ सय रुपैंया कोषमा पठाएको सचिवालयका प्रमुख लेखा नियन्त्रण बसन्तराज सिग्देलले जानकारी दिए।
आज पठाईएको रकम प्रतिनिधिसभाका सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिना, उपाध्यक्ष शशिकला दाहालले यस अघि घोषणा गरेकाे एक महिनाको पारिश्रमिक बराबरको रकम पठाइएको छ। यस्तै नेकपा संसदीय दलका १ सय ९५ जना सांसदको आधा महिनाको तलब बराबरको रकम, नीजि सचिवालय, स्थायी तथा करार कर्मचारीकातर्फबाट गरिएको योगदाकनको रकम पनि पठाईएको छ।
पहिलो चरणमा संघीय समाजवादी फोरमका सांसद प्रदिप यादव र राष्ट्रिय जनमोर्चाकी सांसद दुर्गा पौडेलको एक महिना बराबरको तलब पनि कोषमा पठाइएको छ। संघीय संसद सचिवालयका अनुसार बाँकी सांसदहरुले कोषमा सहयाेग गरेकाे राहत रकम भने अर्को महिना जम्मा हुने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
