काठमाडौं- नव नियुक्त गभर्नर महाप्रसाद अधिकारीले कोरोना भाइरसको संक्रमणका कारण व्यावसायिक वातावरण प्रभावित भएको अवस्थामा त्यसलाई समुचित संबोधन गर्नका निम्ति नेपाल राष्ट्र बैंक तयार रहेको धारणा राखेका छन्। कोरोना भाइरसको संक्रमणले परिस्थितिलाई कहाँसम्म पुर्याउँछ भन्ने कुराको कुनै निश्चितता नहरेको र आउने चुनौतीलाई संबोधन गर्नका निम्ति नेपाल राष्ट्र बैंकले आवश्यक पहल गर्ने प्रतिबद्धता व्यक्त गरेका छन्।
गभर्नर अधिकारीको पदबहालीपछि नेपाल राष्ट्र बैंकले उनको स्वागत कार्यक्रम आयोजना गरेको थियो। उक्त कार्यक्रममा गभर्नर अधिकारीले कोरोना भाइरसको विश्वव्यापी संक्रमणका कारण नेपालको अर्थतन्त्रसमेत प्रभावित भएको उल्लेख गर्दै मुलुकको वित्तीय प्रणालीलाई सकारात्मक दिशातर्फ लैजान आफू प्रयत्नशील रहने प्रतिबद्धता व्यक्त गरे थिए। साथै केन्द्रिय बैंकको रुपमा नेपाल राष्ट्र बैंकले विशिष्ट पहिचान बनाएको उल्लेख गर्दै उनले बैंकको छवि स्वायत्तता एवम् निष्ठालाई कायम राख्ने प्रतिबद्धता व्यक्त गरेका थिए।
नेपाल राष्ट्र बैंकसँग अनुभवी र सक्षम जनशक्ती रहेको उल्लेख गर्दै अधिकारीले बैंकका लक्ष्य र उद्देश्य प्राप्तिको निम्ति एकजुट भएर अघि बढ्न कर्मचारीलाई आह्वान समेत गरेका थिए।
कार्यक्रममा डेपुटी गभर्नर चिन्तामणी शिवाकोटीले बैंकिङ प्रणालीलाई नेतृत्वदायी भूमिका निर्वाह गर्न सक्ने सक्षम व्यक्तिलाई बैंकले गभर्नरको रुपमा पाएको भन्दै अधिकारीलाई सफल कार्यकालको शुभकामना व्यक्त गरेका थिए। शिवाकोटी स्वयं गभर्नरको लागि अन्तिम समयसम्म प्रतिस्पर्धामा थिए।
त्यस्तै अर्का डेपुटी गभर्नर शिवराज श्रेष्ठले सक्षम इमान्दार र वित्तीय प्रणालीलाई बुझेका व्यक्तिलाई सरकराले गभर्नर नियुक्त गरेको भन्दै शुभकामना दिएका थिए। कार्यक्रममा नेपाल राष्ट्र बैंक कर्मचारी संघका कार्यबाहक अक्षेय रुद्रप्रसाद तिम्सिना, नेपाल वित्तीय संस्था कर्मचरी संघका अध्यक्ष रेशमराज रेग्मी र नेपाल राष्ट्रिय कर्मचारी संघठनका अध्यक्ष रेशमबहादुर बल्छौडीले नवनियुक्त गभर्नर अधिकारीलाई सफल कार्यकालको निम्ति शुभकामना दिएका थिए।
अधिकारी नेपाल राष्ट्र बैंकको सत्रौं गभर्नर भएका छन्। पूर्वी पहाडको खोटाङमा जन्मिएका अधिकारी २०४२ सालमा नेपाल राष्ट्र बैंकमा सहायक पदमा प्रवेश गरेका थिए। उनले बैंकको उप-निर्देशक, निर्देशक, कार्यकारी निर्देशक हुँदै २०६७ पुसदेखि २०७२ पुससम्म बैंकको डेपुटी गभर्नरको जिम्मेवारी सम्हालेका थिए। गभर्नर नियुक्त हुनुअघि उनी लगानी बोर्डका प्रमुख कार्यकारी अधिकृत थिए।
उनले सन् १९९३ मा भारतको मद्रासस्थित द इन्स्टिच्युट अफ चार्टर्ड एकाउन्टेन्ट्स अफ इन्डियाबाट चार्टर्ड एकाउन्टेन्सीको अध्ययन पुरा गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
