नयाँ दिल्ली- कोरोना भाइरसको संक्रमण भएपछि अस्पताल भर्ना भएकी भारतीय गायिका कनिका कपुर अस्पतालबाट डिस्चार्ज भएकी छन्। दुई साता लामो अस्पताल बसाइपछि उनी डिस्चार्ज भएकी हुन्।
कोरोना भाइरस पोजेटिभ देखिएपछि लखनउको एसजीपीआई अस्पतालमा भर्ना भएर उपचार गराएकी कनिकालाई सोमबार बिहान अस्पतालले डिस्चार्ज गरेको हो। आइतबार उनको पाँचौ कोरोना परीक्षण भएको थियो। उक्त परीक्षणमा उनको रिपाेर्ट नेगेटिभ आएको थियो।
उनी २० मार्चमा अस्पताल जादाँ कोरोना पाेजेटिभ देखिएपछि भर्ना भएकी थिइन्। लखनउको किंग जर्ज मेडिकल कलेजमा जचाँउन गएकी उनमा कोरोना पुष्टि भएको थियो। त्यसपछि उनको पाँच पटक कोरोना टेष्ट गरिएकाे थियो। सोमबार अस्पताले लगातार दुई पटक परीक्षण गर्दा उनको कोरोना नेगेटिभ आएपछि डिस्चार्ज गरिएको जनाएको छ।
अस्पतालबाट डिस्चार्ज भएपनि उनी घरमै दुई हप्तासम्म क्वारेन्टाइनमा बस्नु पर्ने छ। लन्डनबाट फर्केकी उनमा कोरोना संक्रमण देखिएकाे हाे। उनलाई कोरोना सरेको खवरसँगै भारतभर चर्चा भएको थियो।
यसरी उनको धेरै चर्चा हुनुका कारण दुईवटा थिए। एक त उनी बलिउडको पहिलो कलाकार थिइन् जसलाई कोरोना संक्रमण भएकाे पुष्टि भएको थियो। अर्को उनी देशका केही विशिष्ट व्यक्तिहरुसँग विभिन्न पार्टीमा सहभागी भएको पाइएको थियो।
उनीसँग भेट भएका मुख्यमन्त्रीदेखि भाजपाका नेता र राजनीतिककर्मीलगायत अन्य विशिष्ठ व्यक्तिले आफूलाई सेल्फ क्वारेन्टाइनमा राखेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
