कोरोना कोषमा नेपाल लाइफले एक करोड जम्मा गर्ने

कोरोना अपडेट

नेपाल लाइभ शुक्रबार, चैत २१, २०७६ १७:००

काठमाडौं- नेपाल सरकारले स्थापना गरेको कारोना भाइरस संक्रमण रोकथाम, नियन्त्रण तथा उपचार कोषमा नेपाल लाइफ इन्स्योरेन्स कम्पनी लिमिटेडले एक करोड रुपैयाँ सहयोग गर्ने भएको छ। शुक्रबार कम्पनीले एक विज्ञप्ति जारी गर्दै यस्तो जानकारी गराएको हो।

कम्पनीको सञ्चालक समितिले विश्वव्यापी रुपमा फैलिइरहेको कोरोना भाइरस (कोभिड–१९) महामारीको रोकथाम तथा नियन्त्रणका निम्ति नेपाल सरकारले स्थापना गरेको कोषमा एक करोड जम्मा गर्ने निर्णय भइसकेको जानकारी दिएको छ।

विगतमा समेत विभिन्न प्रतिकूल परिस्थितिमा संस्थागत सामाजिक उत्तरदायित्वअन्तर्गत विविध प्रकारको सहयोग गर्दै आइरहेको समेत कम्पनीले स्मरण गराएको छ।

सहयोगले कोरोना भाइरसको रोकथाम, नियन्त्रण तथा उपचार र विपन्न तथा न्यून आम्दानी भएका प्रभावित परिवारहरुको दैनिक आवश्यकता पूर्ति गर्न सहयोग हुने विश्वास कम्पनीले लिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने