'कुनै खाना खाँदा स्वाद महसुस नहुनु र कुनै चिजको गन्ध महसुस नहुनु पनि कोरोना भाइरसको लक्षण हुन सक्छ,’ यो दाबी बेलायतका एकजना शोधकर्ताको हो।
बेलायतको लन्डनस्थित किङ्स कलेजको एक टिमले कोरोना भाइरसको शंकास्पद लक्षण एक एपमा रिपोर्ट गर्ने चार लाख मानिसको विवरण अध्ययन गर्यो। सास फेर्न अप्ठ्यारो हुनुका साथै स्वाद र गन्धको महसुस नहुनु पनि कोरोना भाइरसको लक्षण हुन सक्छ। विशेषज्ञहरु ज्वरो र खोपी अहिले पनि कोरोना भाइरसको महत्वपूर्ण लक्षण भएको र यसलाई नजअन्दाज गर्न नहुने बताउँछन्।
यदि आफूसँगै या आसपासमा रहने कोही आशंकितलाई उच्च ज्वरो र खोकीको समस्या छ भने संक्रमढ अरूमा नफैलियोस् भन्नका लागि घरमै रहनु आवश्यक छ।
अध्ययनबाट के पत्ता लाग्यो?
किङ्स कलेजका शोधकर्ताले कोरोना भाइरसको सम्भावित लक्षणबारे जानकारी लिन चाहन्थे। यसबारे बुझ्न र यसविरुद्ध लड्न विशेषज्ञहरुलाई सघाउन सकुन् भन्ने उनीहरुको उद्देश्य थियो।
‘कोभिड सिम्टम ट्रेकर’ एपमा आफ्ना लक्षण बताउनेहरु मध्ये ५३ प्रतिशतले थकान लाग्ने बताएका थिए। यस्तै २९ प्रतिशतले लगातार खोकी लाग्ने उल्लेख गरेका थिए। श्वास फेर्न कठिनाइ हुने २८ प्रतिशतले बताएका थिए भने १८ प्रतिशतले गन्ध सुघ्न र कुनै पनि किसिमको स्वाद थाहा पाउन नसकिरहेको उल्लेख गरेका थिए। १०.५ प्रतिशतले ज्वरो आउने बताएका थिए।
यी ४ लाखमध्ये १ हजार ७ सय २ जनाको कोभिड–१९ को परीक्षण भएको थियो। यसमा ५ सय ७९ जना कोरोना संक्रमण भएको र बाँकीलाई नभएको विवरण आएको थियो।
जसको परीक्षणमा कोरोना संक्रमित भएको भेटिएको थियो उनीहरुमध्ये ५९ प्रतिशत मानिसले सुँघ्ने र स्वाद चाख्न आफू असमर्थ भएको विवरण एपमा भरेका थिए। त्यसो भए प्रश्न उठ्छ- सुँघ्ने र स्वाद थाहा पाउने क्षमता ह्रास हुनुलाई कोरोनाको प्रुमख लक्षण मान्न सकिन्छ?
विशेषज्ञहरु अहिले नै यो आधारलाई मान्नलाई पर्याप्त प्रमाण नभएको बताउँछन्। विश्व स्वास्थ्य संगठनले अझैं पनि यसलाई प्रमुख लक्षण मानेको छैन।
इएनटी यूके (बेलायतम आँखा,नाक, गला विशेषज्ञ चिकित्सकको प्रतिनिधि समूह) कोरोना भाइरस संक्रमित मानिसले गन्ध र स्वाद थाहा पाउन असमर्थ भएको बताइरहेका छन् भने यसमा समस्या मान्नु पर्ने केही कुरा नभएको तर यो समस्या केवल कोरोना संक्रमितमा मात्रै हुन्छ भन्ने निश्चित भने नभएको भनाइ छ।
किङ्स कलेका शोधकर्ताहरु स्वाद र गन्ध थाहा पाउन नसक्नु कोभिड-१९ को थप लक्षण मान्न सकिने तर यो पुष्टि हुनका लागि अन्य प्रमुख लक्षण खोकी, ज्वरो र श्वास लिन कठिन हुने हुनु आवश्यक रहेको बताउँछन्।
टिमका प्रमुख शोधकर्ता प्राध्यापक टिम स्पेक्टर भन्छन्, ‘यदि कोभिड–१९ को बाँकी लक्षणका साथसाथै स्वाद र गन्ध पहिचान गर्ने क्षमतामा ह्रास आयो भने तपाईंहरु स्वयंले आफूलाई ‘आइसोलेट’ गर्नुपर्छ। यसले संक्रमण फैलिन रोक्न मद्दत पुग्छ।’ -बिबिसी हिन्दीबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
