एजेन्सी–भारतमा कोरोना भाइरसका कारण ४१ जनाले ज्यान गुमाएका छन्। दिल्लीबाट सुरु भएको कोरोना संक्रमण भारतका सबै राज्यमा पुगेको पाइएको छ। हालसम्म भारत प्रशासित कश्मीरमा समेत २ जनाले कोरोना भाइरसका कारण ज्यान गुमाएका छन्।
भारतमा कोरोना संक्रमितको संख्या १८ सय ३४ पुगेको छ। सरकारले २१ दिन लामो लकडाउन गरेको छ। लकडाउन दोस्रो हप्तामा चलिरहेको छ। भारतमा धेरै प्रभावित महाराष्ट्रमा रहेका छन्, जहाँ २ सय ५४ जना कोरोना भाइरस संक्रमित रहेका छन् भने ९ जनाले ज्यान गुमाएका छन्। मध्यप्रदेश,उत्तर प्रदेश ,कर्नाटक लगायतका राज्यमा करिब १ सयको आँकडामा कोरोना संक्रमित रहेका छन्।
हालसम्म झारखण्डमा कुनै पनि बिरामी फेला परेका छैनन्। भारतमा कोरोनाका पहिलो बिरामी देखिँदा संसदसमेत चलिरहेको थियो। दिल्लीबाट जब अन्य राज्यमा सर्न थाल्यो, अनि सरकारले यसमा चासो देखाएको थियो। विदेशबाट आएका एक परिवारले पार्टी आयोजना गरेको र त्यहीबाट अन्यमा सरेपछि दिल्लीभरि त्रास फैलिएको थियो।
अहिले फेरि दिल्लीमा भएको एक धार्मिक सभाका कारण भारतभर त्रास फैलिएको छ। १७ सय मानिसले भाग लिएको उक्त सभामा सहभागी भएकामध्ये १०० जनामा कोरोना पोजेटिभ देखिएको छ भने ६ जनाको मृत्यु भइसकेको छ। भारतका सबै राज्यबाट उक्त सभामा मानिसले भाग लिएका थिए ।
सोहीकारण भारतभर भाइरस सर्ने त्रासका कारण यो सभाका सहभागीहरुको निगरानी र खोजी तीव्र पारिएको छ। राज्य सरकारले उनीहरुलाई क्वारेन्टाइनमा राख्ने र परीक्षण गर्ने तयारी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
