काठमाडौं- नेपालमा रहेका २ सय ५७ जना अस्ट्रेलियाली नागरिक लिएर ब्रिसबेनका लागि प्रस्थान गरेको छ। कोरोना भाइरसको संक्रमण बढ्न सक्ने भन्दै नेपालमा लकडाउनका साथै नेपालबाट कुनै पनि व्यवसायिक उडान नभएकाले अस्ट्रेलियाली सरकारको पहलमा उनीहरु स्वदेश फर्किएका हुन्।
जहाजमा २ सय ५० जना वयस्क छन् भने ७ जना बालबालिका छन्। जहाजमा २४ जना चालक दलका सदस्य छन्।
विमान साँझ ६ बजेर ९ मिनेटमा त्रिभूवन अन्तर्राष्ट्रिय विमानस्थलबाट प्रस्थान गरेको हो। भन्डै १० घन्डाको उडान हुने हुँँदा जहाजले मलेसियामा केही समय अवतरण गरेर इन्धन भर्नेछ।
विमान चार्टर गरी अस्ट्रेलियाली नागरिकलाई स्वदेश फर्काउन सफल भएको भन्दै यो काममा सहयोग गर्नेलाई नेपालका लागि अस्ट्रेलियाली राजदूत पेट बडले धन्यवाद दिएका छन्।
यसअघि अमेरिकाले पनि आफ्ना मुलुकका ३ सय २ नागरिकको उद्धार गरेको थियो।
आफ्ना नागरिक लैजान अमेरिकी दूतावासले कतार एयरवेजको जहाज चार्टर गरेको थियो।
यस्तै, युरोपियन देशमा ९ सय ९ नागरिकको पनि कतार एयरवेजले नै उद्धार गरेको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
